Erbil 37°C چوارشەممە 24 تەمووز 20:53

دوو پۆلیسی ڕاپه‌ڕین پاره‌ ده‌دۆزنه‌وه‌ و ڕاده‌ستی خاوه‌نه‌كانیان ده‌كه‌نه‌وه‌

کوردستان TV
100%

به‌ڕێوه‌به‌رایه‌تی پۆلیسی ڕاپه‌ڕین ئه‌مڕۆ پێنجشه‌م ئاشكرای كرد كه‌ دوو كارمه‌ندی پۆلیسیان به‌شێوه‌ی جیا و له‌ دوو كاتی جیاواز پاره‌ ده‌دۆزنه‌وه‌، دوای به‌دواداچوون و دۆزینه‌وه‌ی خاوه‌نه‌كانیان ڕاده‌ستیان ده‌كه‌نه‌وه‌.

به‌ڕێوه‌به‌رایه‌تییه‌كه‌ له‌ ڕاگه‌یه‌نراوێكدا بڵاوی كرده‌وه‌: دوو کارمەندی هێزەکانمان لە بنکەی پۆلیسی فریاکەوتنی قەڵادزێ لە دوو کاتی جیاوازدا پارە ده‌دۆزنه‌وه‌ و دوای بەدواداچوون و دۆزینەوەی خاوەنەکانیان، پارەکان ڕاده‌ستیان ده‌كه‌نه‌وه‌.

گوتیشی: سه‌ره‌تا رەنجدەر عەلی بڕی 600 هەزار دیناری ده‌دۆزێته‌وه‌، دوای بەدواداچوونه‌كان دەرکەوت هی ژنێکی بەساڵاچووە و دوای وەرگرتنی مووچەکەی لەبەردەم بانکی قەڵادزێ لێی کەوتووە، دواتریش پارەکەی رادەستکرایه‌وه‌.

ئاماژه‌ی به‌وه‌ش دا كه‌ له‌ رووداوێكی تردا سدیق محەمەد لە بازاڕی ئاڵوگۆڕی دراو لە قەڵادزێ بڕی ملیۆنێك و 200 هه‌زار دینار ده‌دۆزێته‌وه‌، دوای بەدواداچوون دەرکەوت كه‌ هی هاووڵاتییەکە لە ئەوروپا گەڕاوەتەوە و دوای ئەوەی ئاڵوگۆڕی بەدراوه‌كان‌ کردووە، پارەکەی لێ کەوتووە.

جه‌ختیشی كرده‌وه‌ كه‌ كارمه‌نده‌كه‌ی پۆلیس دوای دۆزینه‌وه‌ی خاوه‌نه‌كه‌ی‌، پارەکەی ڕاده‌ست كرده‌وه‌.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.