توێژینەوەیەک دەریخستووە کە پۆستکردن لە سۆشیال میدیا پێش خەوتن کێشە بۆ خەو دروست دەکات و ڕێگری لە دەردانی هۆڕمۆنەکانی خەو دەکات.
لە توێژینەوەیەکدا کە لە زانکۆی دووک لە ئەمریکا ئەنجام دراوە دەرکەوتووە، پۆستکردن لە سۆشیال میدیا پێش خەوتن، لەوانەیە لەو کاتەی کە بڕیارت داوە بخەویت 3 کاتژمێر دوابخات، چونکە ئەو کەسە لە حاڵەتێکی چاوەڕوانی جێدەهێڵێت.
لە توێژینەوەکە ئەوەش خراوەتەڕوو کە بەهۆی چاودێریکردنی لایک و کۆمێنتەکان دەردانی ئەدریناڵین زیاد دەکات، کە ڕێگری لە دەردانی هۆڕمۆنەکانی خەو دەکات، هەروەها ڕێژەی دەردانی هۆڕمۆنی دۆپامین بەرز دەبێتەوە کە هۆڕمۆنی بەختەوەرییە و چالاکیی دەروونی وریایی بەرز دەکاتەوە.
توێژینەوەکە ئاماژەی بەوەش داوە کە بەرکەوتن بە تیشکی شینی مۆبایلەکانمانەوە سوڕی خەو تێکدەدات.
کۆمێنت (0)
تا ئێستا هیچ کۆمێنتێک نەکراوە.