ده‌سته‌ی ده‌ستپاكی فیدڕالی ئه‌مڕۆ سێشه‌م فه‌رمانی گرتنی بۆ به‌ڕێوه‌به‌ری كارتی نیشتمانی یه‌كێك له شارۆچكه‌كانی پارێزگای میسان ده‌ركرد به‌هۆی سه‌رپێچیكردن له كاره‌كه‌ی و هه‌وڵی ده‌رهێنانی كارتی نیشتمانی بۆ تاوانبارێكی داواكراوی مه‌ترسیدار.
فه‌رمانگه‌ی لێكۆڵینه‌وه‌ی ده‌سته‌ی ده‌ستپاكی فیدڕالی له به‌یاننامه‌یه‌كدا بڵاوی كرده‌وه: فه‌رمانی گرتن بۆ به‌ڕێوه‌به‌ری شارۆچكه‌یه‌كی كارتی نیشتمانی له پارێزگای میسان ده‌ركرا، دوای ئه‌وه‌ی هه‌وڵی ده‌ركردنی كارتی نیشتمانی بۆ تاوانبارێكی داواكراوی مه‌ترسیدار دابوو و هه‌روه‌ها هه‌ر خۆیشی وێنه‌ی تاوانباره‌كه‌ی گرتبوو و داخیلی كۆمپیوته‌ری فه‌رمانگه‌كه‌ی كردبوو بۆ ده‌رهێنانی كارتی نیشتمانی.
بڵاویشی كرده‌وه: له كامێراكانی چاودێری فه‌رمانگه‌كه ده‌رده‌كه‌وێ كه به‌ڕێوه‌به‌ره‌كه خۆی پێشوازی له تاوانباره‌كه ده‌كات و هه‌روه‌ها خۆشی وێنه‌ی ده‌گرێت به مه‌به‌ستی ده‌رهێنانی كارتی نیشتمانی بۆی.
فه‌رمانگه‌ی لێكۆڵینه‌وه‌ی ده‌سته‌ی ده‌ستپاكی فیدڕالی ئاماژه‌ی به‌وه‌ش دا كه ئه‌مڕۆ سێشه‌م به پشتبه‌ستن به مادده‌ی (331) له یاسای سزادانی عێراقی و به‌كارهێنانی پێگه و ده‌سه‌ڵات و سه‌رپێچیكردن له كاره‌كه‌ی، فه‌رمانی گرتن بۆ به‌ڕێوه‌به‌ره‌كه ده‌ركرا.
کۆمێنت (0)
تا ئێستا هیچ کۆمێنتێک نەکراوە.