لە میانی پاڵەوانێتی کراوەی تێنسی سەر زەوی رۆمادا لەسەر ئاستی کوڕان هەریەکە لە یاریزانانی رووسیایی، دانیال مێدڤێدێڤ و ئاندرێ روبلێڤ سەرکەوتنیان بەدەست هێنا.
ئەمساڵ لە چوارچێوەی 80یەمین پاڵەوانێتیی کراوەی تێنسی سەر زەوی رۆمادا، خولی سێیەم و چوارەمی پاڵەوانێتییەکە لەسەر ئاستی کچان و کوڕان، بەردەوام بوو.
یاریزانی رووسیایی، دانیال مێدڤێدێڤ کە ریزبەندی سێیەمی جیهانی هەیە لە خولی سێیەمدا، لەسەر ئاستی کوڕان بە ئەنجامی 2-1 لە یاریزانی ئیسپانی، بێرنابێ زاپاتا میرایاسی بردەوە.
لەهەمان خولدا یاریزانی رووسیایی، ئاندرێ روبلێڤ رووبەڕووی یاریزانی ئیسپانی، ئالێخاندرۆ فۆکینا بووەوە و بە ئەنجامی 2-0 سەرکەوتنی بەدەست هێنا.
هەروەها لە میانی پاڵەوانێتییەکەدا لەسەر ئاستی ئافرەتان، یاریزانی کازاخستانی، ئێلێنا ریباکینا لە خولی چوارەمدا، رووبەڕووی یاریزانی چیکی، مارکێتا ڤۆندرۆسۆڤا بووە و ریباکینا بە ئەنجامی 2-0 سەرکەوتنی بەدەست هێنا.
لە یارییەکی دیکەشدا یاریزانی رووسیایی، داریا کاساتکینا بە ئەنجامی 2-1 سەرکەوت بەسەر رکابەرە لاتیڤییەکەی، یەلێنا ئۆستاپێنکۆ.
هەر لەم میانەیەشدا بەهۆی بارینی بارانێکی بەهێز لە رۆما، یارییەکانی ئێوارەی پاڵەوانێتییەکە بۆ ئەمڕۆ دواخران.
کۆمێنت (0)
تا ئێستا هیچ کۆمێنتێک نەکراوە.