به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی سه‌باره‌ت به ڕه‌وشی كه‌شوهه‌وای 48 كاتژمێری داهاتووی ناوچه‌كانی هه‌رێمی كوردستان ڕایگه‌یاند، كه‌شوهه‌وای ئه‌مڕۆ گه‌رم ده‌بێت و سبه‌ش تۆز و خۆڵ ده‌بێت.
كه‌شناسی سه‌باره‌ت به كه‌شوهه‌وای ئه‌مڕۆ هه‌ینی بڵاوی كرده‌وه: ئاسمان پەڵەهەور و نیمچەهەور دەبێت، پلەکانی گەرماش بە نزیکەی 1 تــــا 3 پلە بەرزتر دەبێت لە تۆمارکراوەکانی دوێنێ پێنجشه‌م.
بڵاویشی كرده‌وه: ئاراسته‌ی با به‌ره‌و باشووری خۆرهه‌ڵات ده‌بێت و خێراییه‌كه‌شی له‌سه‌رخۆ و مامناوه‌ند ده‌بێت.
سه‌باره‌ت به كه‌شوهه‌وای سبه‌ی شه‌ممه، كه‌شناسی ئاماژه‌ی به‌وه دا: ئاسمان نیمچەهەور دەبێت، لە ئەنجامی زیادبوونی خێرایی با، بەرزبوونەوەی تۆز و خۆلمان دەبێت، هەروەها هەندێک کات خۆڵبارین زیاد دەکات و مەودای بینین کەم دەکاتەوە بۆ نزیکەی 2 تا 4 کم بە تایبەت لە ناوچەکانی ناوەراست و باشووری هەرێم .
ڕاشیگه‌یاند: پله‌كانی گه‌رما له سبه‌ی شه‌ممه هێشتا گه‌رمتر ده‌بێت بە نزیکەی 1 تــــا 2 پلە بە بەراورد بە تۆمارکراوەکانی ئەمڕۆ هه‌ینی.
جه‌ختیشی كرده‌وه كه ئاراسته‌ی با به‌ره‌و باشووری خۆرئاوا ده‌بێت و خێراییه‌كه‌شی مامناوه‌ند ده‌بێت.
به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی پله‌كانی گه‌رمای شار و ناوچه‌كانی هه‌رێمی كوردستانی به‌مشێوه‌ی خواره‌وه دیاری كرد:
هەولێر: 33 پلەى سیلیزى
سلێمانی: 31 پلەى سیلیزى
دهۆک: 31 پلەى سیلیزى
کەرکووک: 34 پلەى سیلیزى
هەڵەبجە: 32 پلەى سیلیزى
حاجی ئۆمەران: 22 پلەى سیلیزى
زاخۆ: 33 پلەى سیلیزى
سۆران: 31 پلەى سیلیزى
گەرمیان: 36 پلەى سیلیزى
کۆمێنت (0)
تا ئێستا هیچ کۆمێنتێک نەکراوە.