Erbil 15°C پێنجشەممە 13 حوزەیران 07:00

خەوتنی كەمتر لە 5 كاتژمێر مەترسییەكی گەورەیە بۆ سەر ژیان ؟

کوردستان TV
100%

توێژینەوەیەكی نوێ ئاشكرایكردووە، نەخەوتنی پێویست ئەگەری مەینبوونی خوێن زیاد دەكات.
بەگوێرەی ڕۆژنامەی "زە سەن"ی بەریتانی، توێژەران لە سوید بۆیان دەركەوتووە كە كەمخەوی ئەگەری گیرانی خوێنبەرەكانی قاچ زیاد دەكات.
توێژینەوەكە بەدواداچوون بۆ ڕێژەی نەخۆشییەكانی 650 هەزار كەسی پێگەیشتوو كردووە، هەروەها بەراوردی كردووە بە چەند خەوێك كە هەموو شەوێك دەخەون.
دەركەوتووە كە نەخەوتن لە حەوت بۆ نۆ كاتژمێر مەترسی تووشبوون بە ئیمبۆلیزمی خوێنبەرەكان زیاد دەكات.
شوای یوان، لە پەیمانگای كارۆلینسكا لە ستۆكهۆڵم دەڵێت: خەوتن 7 بۆ 8 كاتژمێر لە شەوێكدا خوویەكی باشە بۆ كەمكردنەوەی ئەگەری تووشبوون بە نەخۆشییەكانی خوێنبەرەكانی دەوروبەر.
توێژەران بەراوردیان كردووە كە خەڵك چەندە خەوتوون لەگەڵ ئەوەی كە ئایا تووشی ئەو حاڵەتە بوون یان نا.
پاشان زانیارییە بۆماوەییەكانیان شیكردەوە بۆ هەڵسەنگاندنی ئەوەی كە ئایا خەوتن كاریگەری لەسەر چانسی تووشبوون بە PAD هەیە یان بە پێچەوانەوە.
خەوتنی كەمتر لە 5 كاتژمێر لە شەوێكدا پەیوەندی بە نزیكەی دوو هێندە مەترسی تووشبوون بە نەخۆشییەكەوە هەبووە، بە بەراورد بە 6 بۆ 8 كاتژمێر.
 

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.