Erbil 33°C چوارشەممە 31 ئایار 13:20

ڕێژەی مردنی پێشوەختە بەهۆی نەخۆشی شەكرە زیادی كردووە

کوردستان TV
100%

وەزارەتی تەندروستی میسر لەم دواییانەدا ڕاستییەكانی پشت یەكێك لە باوەڕە باوەكانی سەبارەت بە هەنگوینی سپی ڕوونكردەوە.
هەندێك پێیان وایە نەخۆشانی شەكرە ڕێگەیان پێدەدرێت هەنگوینی سپی بە هەر ڕێژەیەك بەكاربهێنن، بە پێچەوانەی شەكری سپی، بەڵام هەژماری فەرمی وەزارەتی تەندروستی میسر لە تویتێكدا لە تویتەر ئاماژەی بەوە كردووە كە ئەمە ڕاست نییە.
لە تویتەكەدا دووپاتی كردووەتەوە كە هەنگوینی سپی دەتوانێت ئاستی شەكر لە جەستەدا زیاد بكات، هاوشێوەی شەكری سپی، هەروەها كێشی لەش زیاد دەكات.
نەخۆشی شەكرە دەبێتە هۆی بەرزبوونەوەی ئاستی شەكر لە خوێندا لە ئەنجامی كێشە لە بەرهەمهێنانی ئەنسۆلین، كردارەكەی، یان هەردووكی.
ئەم نەخۆشییە ڕەنگە ببێتە هۆی ئاڵۆزیی جددی وەك كوێربوون، تێكچوونی گورچیلە، نەخۆشییەكانی دڵ و خوێنبەرەكان، هەروەها ڕەنگە ببێتە هۆی بڕینی ئەندامەكانی جەستەی بە هەمان شێوە، و مردنی پێشوەختە.
بەگوێرەی ماڵپەڕی فەرمیی ڕێكخراوی تەندروستی جیهانی، ڕێژەی مردنی پێشوەختە بەهۆی نەخۆشی شەكرە لە نێوان ساڵانی 2000 بۆ 2019 بە ڕێژەی 3% زیادی كردووە.
بەپێی خەمڵاندنەكان لە ساڵی 2019دا نەخۆشی شەكرە و نەخۆشییە پەیوەندیدارەكانی گورچیلە بووەتە هۆی مردنی نزیكەی دوو ملیۆن كەس.
خۆراكی تەندروست، چالاكی جەستەیی بەردەوام، پاراستنی كێشی ئاسایی لەش و دووركەوتنەوە لە بەكارهێنانی تووتن، ڕێگاكانی خۆپاراستنن بۆ  دواخستنی نەخۆشی شەكرە لە جۆری دووەم.
 

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.