Erbil 15°C ھەینی 29 ئازار 09:42

ئاسایشی نیشتمانی عێراق: دەستبەسەر 500 هەزار لیتر نەوتدا گیرا کە هەوڵی بەقاچاخبردنی درابوو

کوردستان TV
100%

ئاسایشی نیشتمانی عێراق ئەمڕۆ هەینی 27ـی 01ـی 2023 ڕایگەیاند، لە 7 پارێزگا دەستیان بەسەر 500 هەزار لیتر سووتەمەنیدا گرتووە، کە هەوڵدرابوو بە قاچاخ ببرێن.

دەزگای ئاسایشی نیشتمانی عێراق ڕایگەیاند: لە پارێزگاکانی بەغدا، نەجەف، کەرکووک، نەینەوا، قادسیە، دیالە و بابل زیاتر لە نیو ملیۆن لیتر سووتەمەنی دەستی بەسەردا گیراوە، کە هەوڵدرابوو بەقاچاخ ببرێن.

ڕاشیگەیاند: ئەو بڕە سووتەمەنییە لە تانکەر و کۆگەکان هەڵگیرابوون، دوای هەڵکووتانە سەر شوێنەکان و کۆگەی قاچاخچییەکان، دەستیانبەسەردا گیرا.

ئاماژەی بەوەش دا کە دەستبەسەر 20 ئۆتۆمبێلدا گیراوە و 29 تۆمەتباریش دەستگیرکراون، ڕەوانەی لایەنی پەیوەندیدار کران بۆ ئەوەی ڕێکاری پێویست بەرامبەریان بگرنەبەر.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.