حكوومەتی هەرێمی کوردستان گەورەترین بەرهەمی هونەرمەندانی كورد لە پۆڵەندا نمایش دەکات

حکوومەتی هەرێمی کوردستان پێشانگەی كوردستان- ڕووخسارەكانی ڕزگاربوون گەورەترین بەرهەمی هونەرمەندانی کورد لە پۆڵەندا نمایش دەکات.

هونەرمەندی کورد وەک داهێنەری کولتوورێک، کە شوناس ئازاد دەکات، بیرۆکەی پێشانگە و چالاکی هونەری فرەلاینەی کوردییە کە لە مۆزەخانەی "ئۆکرێنگۆڤی" شاری "بیدگۆشی" وڵاتی پۆلۆنیا بەڕێوە دەچێت بۆ کۆمەڵێک هونەرمەندی هاوچەرخی کورد کە لە دیارترین پێشەنگە هونەرییەکانی جیهان میوانداری دەکرێن و بەرهەمەکانیان خاوەن هێزێکی ڕاستەقینەی ترسناک، بەڵام ئومێدبەخش و ڕزگارکارە.

كاژمێر 06:00ـی پاشنیوەڕۆی دوێنێ هەینی پێشانگەی " كوردستان- ڕووخسارەكانی ڕزگاربوون" لە مۆزەخانەی شاری بیگدۆشچ كرایەوە.

پێشانگەكە پێك هاتووە لە دەیان كاری هونەرمەندانی كورد لە هەموو پارچەكانی كوردستانەوە، كە بریتین لە تابلۆ، گرافیک، وێنەكێشان، ڤیدیۆئارت و ئینستەلێشن و وێنە.

ئەم پێشانگەیە بە گەورەترین نمایشكردنی بەرهەمی دەستەیەک لە هونەرمەندانی كوردستان دەناسرێت كە تاوەکو ئێستا لە ئەوروپا ڕێكخرابێت، تەواوكەری پێشانگەكە بەرنامەیەكی دەوڵەمەندە لە بۆنە یاوەرەكان وەكو نمایشكردنی فیلم، كۆنسێرت و سیمینار لە بارەی مێژوو و كولتووری كوردستان. 

پێشانگەكە و فێستیڤاڵەکە تاوەکو ڕۆژی 31ـی ئازاری 2023  درێژە دەخایەنێت، نوێنەرایەتی حكوومەتی هەرێمی كوردستان لە پۆلۆنیا هاوكار و یاریدەری ئامادەكردن و كردنەوەی پێشەنگەكە و كۆی بەرنامەی فێستیڤاڵەکەیە.

موزەخانەی بیدگۆسچ لەمبارەیەوە ڕاگەیەنراوێكی بڵاوكردۆتەوە و ئاماژەی بەوە داوە كە  زۆرێک لەو وڵاتە سەرەتاییانەی كە ئەمڕۆ هەن، لە ڕابردوودا لەناو بوونەوەرە دەوڵەتییەكانی خۆیاندا كاریان دەكرد، بۆ نموونە سكۆتلەندا یان تبت.  هەربۆیە "كوردستان - ڕووخسارەكانی ڕزگاربوون" یەكەمین خولی فێستیڤاڵی نێودەوڵەتیی هونەری پرۆتۆنە، كە لە مۆزەخانەی ناوچەی بیدگۆسچ ڕێك دەخرێت. لەم فێستیڤاڵە ساڵانەیەدا چالاكییە هونەرییەكانی نەتەوە بەناوبانگەكانی جیهان پێشكەش دەكرێن. لەم جێبەجێكردنانەی خوارەوەی پڕۆژەكەدا، ئێمە كولتوورەكان پیشان دەدەین وەكو باسک، كەتەلۆنی، تبت، تاتار.

فێستیڤاڵەکە لە سەرەتای زستانەوە دەستپێدەكات و لە بەهاردا تەواو دەبێت و بەرهەمەكانی زیاتر لە 30 هونەرمەندی كوردی هونەری جوان و بینراو لە نزیكەی هەموو بەشەكانی ئەوروپا و هەروەها ئوسترالیا و تایلەند و ئەمریكاوە پێشكەش دەكەین.

ناوی ئەو هونەرمەندانە شایەنی زانینە: ئەحمەد نەبەز، ئاریا عەتی، ئازاد كەریم محمد، ئازاد كەریم، ئازاد ناناكلی، بەهرام حاجۆ، بەلدین ئەحمەد، بەیان جاف، كایمان ئیسماعیل، دارا (محەمەد عەلی)، ئیبراهیم عەلیپور، فایق ڕەسووڵ، فوئاد عەزیز، هەڤین . سندی، جەلال ڕەئوف، جەمال پێنجوێنی، خەیری ئەدهەم، ، مەلوە (عومەر حەمدی)، محەمەد عارف مورازۆ گاجان، نامۆ (محەمەد ڕۆستەمزادە)، نیعمەت شەباب، نۆرم (ئیسام حەمدی)، عوسمان ئەحمەد، بوشیا كاكیل ئەحمەد، ڕۆستەم ئاغالە، ڕوشدی ئەنوەر ، سەقر سلێمان، شوكر سەعید، سلێمان شاكر، تانیا ڕەشید، وەلید سێتی، یونس محەمەد، یوسف ساڵح و زەهرا دۆغان، هەر بەم بۆنەیەوە مۆزەخانەی بیدگۆسچ نزیكەی هەزار مەتر چوارگۆشە شوێنی پێشانگەی تەرخان كردووە.

واكلاو كوچما  بەڕێوەبەری مۆزەخانەی شاری بیدگۆسچ  سەبارەت بە كردنەوەی ئەم پیشانگەیە دەڵێت، هەموو جیهان باسی پێشمەرگەی بیستووە و بەداخەوە بە دەگمەن گوێت لە هونەرمەند و نووسەر و شاعیر و دەرهێنەری كورد دەبێت. گەورەترین وڵاتی جیهان بەبێ وڵاتێكی تایبەت بە خۆی مایەوە نەک تەنیا لەبەر ئەوەی نەترسا چەك هەڵبگرێت؛ ماوەتەوە چونكە بەردی بناغەی تۆكمەی كولتوورێكی پاراستنی ناسنامەی دامەزراندووە. دەرئەنجام هونەر و فەرهەنگی هاوچەرخی كوردی لە هەلومەرجی سیاسی و ئابووری تایبەتدا پەرەی سەند.