سه‌رۆكایه‌تی شاره‌وانی كه‌سنه‌زان له ئاگادارییه‌كدا به‌هۆی ئه‌گه‌ر و مه‌ترسی دروستبوونی لافاو، داوای له هاووڵاتییان كرد له كه‌نده سروشتییه‌كان و ڕێڕه‌وه‌كانی ئاوی باران دوور بكه‌ونه‌وه.
شاره‌وانی كه‌سنه‌زان له ئاگادارییه‌كه‌دا ده‌ڵێت "بە پێی پێشبینیەکانی کەشناسی ڕۆژانی هەینی و شەموو ڕێكه‌وتی 25 و 26/11/2022 پێشبینی بارانی بەردەوام و بەخوڕ دەکرێت".
ده‌شڵێت "بۆیە ئاگاداری هاووڵاتییانی سنووره‌كه‌مان دەکەینەوە بە تایبەت ئەوانەی نزیکن لە کەندە سروشتییەکان و ڕێڕەوەکانی ئاوی باران کە لەم کاتانە دووربکەونەوە لەم شوێنانە.
شاره‌وانی كه‌سنه‌زان ئاماژه‌ی به‌وه‌ش دا كه تیمەکانیان لە ئامادەباشیدان و هه‌روه‌ها لە ئەگەری هەر حالەتێک و پێویست ئاگادامان بکەنەوە به ڕێگه‌ی ته‌له‌فۆنه‌وه.
ئاگاداركردنه‌وه‌ی شاره‌وانی كه‌سنه‌زانیش له ڕێگه‌ی ئه‌م ژمارە ته‌له‌فۆنییانه‌ی خواره‌وه ده‌بێت:-
0751 460 5215
07504338254
0750 433 5703
کۆمێنت (0)
تا ئێستا هیچ کۆمێنتێک نەکراوە.