Erbil 15°C ھەینی 29 ئازار 17:17

هۆكاری ئاگره‌كه‌ی فڕۆكه‌خانه‌ی به‌غدا ئاشكرا بوو

کوردستان TV
100%

هۆكاری ئاگركه‌وتنه‌وه‌ له‌ هۆڵێكی فڕۆكه‌خانه‌ی نێوده‌وڵه‌تی به‌غدا ئاشكرا كرا، كارگێڕی فڕۆكه‌خانه‌كه‌ش بۆ گه‌شتیاران جه‌ختی كرده‌وه‌ كه‌ كه‌وتنه‌وه‌ی ئاگره‌كه‌ كاریگه‌ری له‌سه‌ر گه‌شته‌كانی فڕۆكه‌خانه‌كه‌ نابێت و به‌رده‌وام ده‌بێت.

سه‌رله‌ئێواره‌ی ئه‌مڕۆ سێشه‌م ئاگر له‌ هۆڵێكی فڕۆكه‌خانه‌ی نێوده‌وڵه‌تی به‌غدا كه‌وته‌وه‌، دوای چه‌ند كاتژمێرێكی كه‌میش له‌ كه‌وتنه‌وه‌ی ئاگره‌كه‌، تیمه‌كانی به‌رگریی شارستانی توانیان ئاگره‌كه‌ كۆنتڕۆڵ بكه‌ن.

میدیاكانی عێراق بڵاویان كرده‌وه‌: هۆكاری ئاگركه‌وتنه‌وه‌كه‌ كاركردنی كرێكارێكی له‌حیم بووه‌ له‌سه‌ر سه‌قفی كافتریایه‌كی هۆڵی ده‌رچوون له‌ فڕۆكه‌خانه‌كه‌.

ڕاشیانگه‌یاند: به‌هۆی پڕووشكی ئاگری له‌حیمه‌وه‌ ئاگر له‌ كافتریاكه‌ كه‌وتۆته‌وه‌ و دواتریش ته‌شه‌نه‌ی كردووه‌ و بڵاوبۆته‌وه‌.

دوای ماوه‌یه‌كی كه‌م له‌ كه‌وتنه‌وه‌ی ئاگره‌كه‌، تیمی به‌رگریی شارستانی شاری به‌غدا گه‌یشتنه‌ شوێنی ڕووداوه‌كه‌ و ئاگره‌كه‌یان كۆنتڕۆڵ كرد.

به‌گوێره‌ی زانیارییه‌كانیش به‌هۆی كه‌وتنه‌وه‌ی ئاگره‌كه‌ و ته‌نگه‌نه‌فه‌سییه‌وه‌ 3 كرێكاری فڕۆكه‌خانه‌كه‌ گه‌یه‌نراونه‌ته‌ نه‌خۆشخانه.

لای خۆشییه‌وه‌ كارگێریی فڕۆكه‌خانه‌ی به‌غدا له‌ ئاگادارییه‌كدا بۆ گه‌شتیاران جه‌ختی كرده‌وه‌ كه‌ كه‌وتنه‌وه‌ی ئاگره‌كه‌ كاریگه‌ری له‌سه‌ر گه‌شته‌كانی فڕۆكه‌خانه‌كه‌ نابێت و گه‌شته‌كان به‌شێوه‌ی ئاسایی و له‌ هه‌مان كاتی دیاریكراودا ئه‌نجام ده‌درێن.

ئاماژه‌ی به‌وه‌ش دا كه‌ ئاگره‌كه‌ ئێستا كۆنتڕۆڵكراوه‌ و هیچ زیانێكی گیانیش نه‌كه‌وتۆته‌وه‌.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.