دژه‌تیرۆری كوردستان ڕاگه‌یه‌نراوێكی سه‌باره‌ت به بۆردومانه‌كانی ئه‌مشه‌وی فرۆكه جه‌نگییه‌كان بۆ سه‌ر چیای شه‌نگال بڵاو كرده‌وه و تێیدا ڕایگه‌یاند كه باره‌گایه‌كی یه‌به‌شه بۆردومانكراوه و كوژرا و بریندار هه‌یه.
دژه‌تیرۆری كوردستان ڕایگه‌یاند: ئه‌مشه‌و فڕۆکە جەنگییەکانی تورکیا بارەگایەکی یەبەشەیان لە چیای شنگال کردۆته ئامانج و به‌هۆیه‌وه کوژراو و برینداری لێ کەوتۆته‌وه.
ئاماژه‌ی به‌وه‌ش دا: بۆردومانه‌كه ئه‌مشه‌و کاتژمێر 21:30 ئه‌نجامدراوه و تێیدا فڕۆکە جەنگییەکانی سوپای تورکیا لە چیای شنگال بارەگایەکی چەکدارانی یەبەشەیان کردۆته ئامانج و بەهۆیەوە زیانی گیانی و ماددیی لێ کەوتۆته‌وه.
سه‌باره‌ت به بۆردومانه‌كانه، رائید غانم په‌یامنێری (كوردستان تیڤی) له شه‌نگال ڕایگه‌یاندبوو: ئه‌مشه‌و چه‌ند فڕۆكه‌یه‌كی جه‌نگی به چڕی سه‌رده‌شتی چیای شه‌نگالیان بۆردومان كردووه.
ئاماژه‌ی به‌وه‌ش دابوو كه به‌هۆی به‌رده‌وامی بۆردومانه‌كان، زیانی گیانی و ماددی بۆردومانه‌كان نه‌زانراون.
کۆمێنت (0)
تا ئێستا هیچ کۆمێنتێک نەکراوە.