Erbil 28°C چوارشەممە 05 تشرینی یەکەم 22:12

ئێواره‌ی ئه‌مڕۆ شه‌ڕ ته‌قه‌ له‌نێوان زاوا و خه‌زوورێك دروستبووه‌

کوردستان TV
100%

به‌ڕێوه‌به‌رایه‌تی پۆلیسی پارێزگای هه‌ولێر له‌ ڕوونكردنه‌وه‌یه‌كدا ئاماژه‌ی به‌وه‌دا كه‌ ئێواره‌ی ئه‌مڕۆ پێنجشه‌م له‌ گه‌ڕه‌كێكی شاری هه‌ولێر شه‌ڕ له‌نێوان زاوا و خه‌زوورێك دروستبووه‌ و چه‌كیش به‌كارهاتووه‌.

پۆلیسی هه‌ولێر له‌ ڕوونكردنه‌وه‌كه‌دا ده‌ڵێت: ئێوارەی ئەمڕۆ پێنجشه‌م لە گەڕەکی بەهاری نوێی شاری هه‌ولێر بەهۆی کێشەیەکی خێزانییەوە دەمەقاڵێ لەنێوان زاوا و خەزوورێک دروست دەبێت و تێیدا چەک بەکار دێت.

ده‌شڵێت: له‌ ئه‌نجامی شه‌ڕه‌كه‌ی نێوان زاوا و خه‌زووره‌كه‌، كه‌سێك به‌ گولـله‌ زامدار بووه‌.

ئاماژه‌ی به‌وه‌ش دا: هێزەکانمان لە بەڕێوەبەرایەتی پۆلیسی پارێزگای هەولێر بەشی پۆلیسی فریاکەوتن دەستبەجێ گەیشتنە شوێنی مەبەست و هەردوو لایەنی شەڕکەریان دەستگیر کرد کە پێکهاتبوون لە پێنج کەس.

جه‌ختیشی كرده‌وه‌ كه‌ دەستگیرکراوەکان ڕەوانەی بنکەی پۆلیسی شادی کراون بۆ ئەوەی پەڕاوی لێکۆڵینەوەیان بۆ بکرێتەوە و ڕێڕەوی یاساییان بەرامبەر بگیرێتەبەر.

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.