له پاڵه‌وانێتی تێنسی ئه‌مه‌ریكاو له ڕكابه‌ریه‌كانی قۆناغی چواره‌می ئاستی خانماندا، ئه‌نیس جابری تونسی و پۆلێنكراوی پێنجه‌می ڕیزبه‌ندی كچه تێنسزانانی جیهان به دوو كۆمه‌ڵه‌ی بێ به‌رامبه‌ر له ڤێرۆنیكا كودێرمێتۆڤای ڕوسی و پۆلێنكراوی هه‌ژده‌می ڕیزبه‌ندی جیهانی برده‌وه‌و بۆ یه‌كه‌مجار له كاروانی وه‌رزشی خۆی گه‌یشته قۆناغی چاره‌گی كۆتایی پاڵه‌وانێتی كراوه‌ی ئه‌مه‌ریكا.
یارییه‌كه دوو كاتژمێرو سیی و دوو خوله‌كی خایاندو ئه‌نجامی كۆمه‌ڵه‌كان حه‌وت شه‌ش، شه‌ش چوار بوو، له قۆناغی داهاتوودا، ئه‌نیس جابر ڕووبه‌ڕووی ئایلا تۆملیانۆڤیچی ئوستڕالی و پۆلێنكراوی چل و شه‌شه‌می ڕیزبه‌ندی جیهان ده‌بێته‌وه كه ئه‌ویش له قۆناغی چواره‌مدا، به دوو كۆمه‌ڵه‌ی بێ وه‌ڵام سه‌ركه‌وتنی له‌به‌رامبه‌ر لودمیلا سامسۆنۆڤای ڕوسی و پۆلێنكراوی سیی و پێنجه‌می ڕیزبه‌ندی جیهان تۆماركردو بلیتێكی قۆناغی هه‌شتی پاڵه‌وانێتیه‌كه‌ی به‌ده‌ستهێنا، ئه‌نجامی كۆمه‌ڵه‌كانی ئه‌م یاریه‌ش حه‌وت شه‌ش، شه‌ش یه‌ك بوو.
کۆمێنت (0)
تا ئێستا هیچ کۆمێنتێک نەکراوە.