فەڕەنسا هۆشداریی بە هاووڵاتییانی وڵاتەكەی دەدات لە گەشتكردن بۆ ئێران

وەزارەتی دەرەوەی فەڕەنسا هۆشداریی بە هاووڵاتیانی وڵاتەكەی دا لە گەشتكردنیان بۆ ئێران.
لەو راگەیەندراوەی كە لە وەزارەتی دەرەوەی فەڕەنساوە بڵاوكراوەتەوە، ئەوە خراوەتەڕوو كە ئەو هاووڵاتییە فەڕەنسیانە و ئەوانەی كە هەڵگری دوو رەگەزنامەن، لەكاتی گەشتیكردنیان بۆ ئێران مەترسی دەستگیركردن، دەستبەسەركردن و دادگاییكردنی نادادپەروەرانەیان لەسەرە.
لە راگەیەندراوەكەدا داوا لەو هاووڵاتییانە كراوە كە لە ئێستادا لە ئێرانن، هەستیاریی بنوێنن و هەموو رێوشوێنێكی پێویست بگرنەبەر لەپێناو دەستبەركردنی سەلامەتییان.
وەزارەتی دەرەوەی فەڕەنسا هاوكات ئامۆژگاریی هاووڵاتییانی وڵاتەكەی لە ئێران كردووە كە جموجۆڵەكانیان سنووردار بكەن و خۆیان لە گردبوونەوە بەدوور بگرن.