بنەماڵەی محەمەد ئەحمەد ئەربیللی سوپاس و پێزانینیان هەیە بۆ سەرکردە سیاسیی و دامودەزگا حکوومییەکان و کەسایەتییە کۆمەڵایەتییەکان هەیە لەبەرامبەر هاوخەمیان بۆ کۆچی دوایی ئەو هونەرمەندە.
دەقی سوپاسنامەکەی بنەماڵەی هومەرمەند محەمەد ئەربیللی:-
سوپاس و پێزانین
بە ناوی خودای بەخشندە و میھرەبان
سوپاس و پێزانین بۆ جەنابی سەرۆک بارزانی کە بە گرینگی و پەرۆشەوە هاوخەمی خۆی دەربڕی بە هۆی کۆچی دوایی مامۆستا و هونەرمەندی گەورەمان محەممەد ئەحمەد ئەربیلی، هەروا سوپاسی کاک نێچیرڤان بارزانی، کاک مەسرور بارزانی، کاک قوباد تاڵەبانی، دەکەین کە پرسە و سەرەخۆشییان پێ ڕاگەیاندین، سوپاسی هەموو ئەوکەس و لایەن و بەڕێزانەیش دەکەین کە ھاوبەشی خەم وپرسەکەمان بوون، هەروەک بە ناوی بنەماڵەكەمانەوە بە پێویستی دەزانین بەو پەڕی رێز و پێزانینەوە سوپاسی هاوخەمی پارێزگاری هەولێر و تەواوی حزب و لایەنە سیاسییەکان لەسەرتاسەری کوردستان دەکەین، سوپاس و پێزانینمان بۆ تەواوی دامودەزگاکانی حزبی و حکوومی و بەرپرسان و کەسایەتییە سیاسی و ئایینی وکۆمەلایەتییەکان و دۆستان و خزمان و یەكە بە یەكەی هەوادارن و دڵسۆزانی هونەرمەندی خوالێخۆشبوو دەكەین كە هاوخەمی خۆیان بۆ ئێمە دەربڕی و سەرەخۆشیان لێ كردووین و ئەو بەڕێزانەش کە لە مەراسیمی ناشتن وبەخاک سپاردنی تەرمی خوالێخۆشبو بەشدار بوون، سوپاسی ھەموو لایەك دەکەین.
خودا پاداشتی هەموو لایەك بداتەوە، دووبارە سوپاسی دڵسۆزی و وەفاداری هەموو لایەکتان دەکەین.
بنەماڵەی خوالێخۆشبوو
محەممەد ئەحمەد ئەربیلی
کۆمێنت (0)
تا ئێستا هیچ کۆمێنتێک نەکراوە.