له ئه‌نجامی ته‌قینه‌وه‌ی بۆمبێكی ده‌ستی ئه‌مڕۆ یه‌كشه‌م له گه‌ڕه‌كی قه‌دوربه‌گ له شاری قامیشلۆ له ڕۆژئاوای كوردستان 2 منداڵ به سه‌ختی برینداربوون و یه‌كێكیشیان گیانی له‌ده‌ست دا.
په‌یامنێری (كوردستان تیڤی) له قامیشلۆ ڕایگه‌یاند: سێ منداڵ له گه‌ڕه‌كی قه‌دوربه‌گ له شاری قامیشلۆ بۆمبێكی ده‌ستییان دۆزیوه‌ته‌وه و یارییان پێ كردووه، له ئه‌نجامیشدا ته‌قیوه‌ته‌وه و به‌هۆیه‌وه منداڵێك به‌ناوی بیلال ده‌روێش ڕاسته‌وخۆ گیانی له‌ده‌ستداوه و دوو منداڵی هاوڕێی تریشی به‌سه‌ختی بریندار بوونه.
قه‌دوربه‌گ گه‌ڕه‌كێكه له ناوه‌ڕاستی شاری قامیشلۆ و له‌ڕووی ئیدارییه‌وه به‌ده‌ست هێزه‌كانی سوپای سووریای دیموكراته‌وه‌یه.
ئه‌مه له‌كاتێكدایه كه ڕۆژانه هاووڵاتییانی سڤیل له شاری قامیشلۆ و سه‌رجه‌م شاره‌كانی تری سووریا به‌هۆی ته‌قینه‌وه‌ی بۆمب و پاشماوه‌كانی جه‌نگ ده‌بنه قوربانی و كه‌مئه‌ندام ده‌بن، ئه‌مه‌ش له ئه‌نجامی به‌رده‌وامی شه‌ڕ و ئاڵۆزییه‌كانی چه‌ندان ساڵی ڕابردووی ئه‌و وڵاته‌وه دروستبووه.
کۆمێنت (0)
تا ئێستا هیچ کۆمێنتێک نەکراوە.