ئه‌مڕۆ شه‌موو سه‌رۆك وه‌زیرانی هۆڵه‌ندا كه‌ره‌نتینی له ته‌واوی وڵات تا ناوه‌ڕاستی مانگی داهاتوو ڕاگه‌یاند به‌هۆی زۆری بڵاوبوونه‌وه‌ی ڤایرۆسی گۆڕاوی ئۆمیكڕۆن.
مارك ڕۆتی سه‌رۆك وه‌زیرانی هۆڵه‌ندا ڕایگه‌یاند: له سبه‌ی یه‌كشه‌مه‌وه بۆ ماوه‌ی نزیكه‌ی مانگێك له ته‌واوی وڵات كه‌ره‌نتینه به‌هۆی زۆری تووشبووان به كۆڕۆنای ئۆمیكڕۆن.
ڕاشیگه‌یاند: له ته‌واوی وڵات قه‌ده‌غه‌یه ئاهه‌نگی سه‌ری ساڵ و كۆبوونه‌وه‌ی هاووڵاتییان ئه‌نجام بدرێ.
سه‌رۆك وه‌زیرانی هۆڵه‌ندا هه‌روه‌ها ڕایاگه‌یاند: به دڵگرانییه‌وه ئه‌مشه‌و ئه‌م هه‌واڵه ڕاده‌گه‌یه‌نم و به چه‌ند وشه‌یه‌كی كه‌م كورتی ده‌كه‌مه‌وه ئه‌ویش ڕاگه‌یاندنی كه‌ره‌نتینه له ته‌واوی هۆڵه‌ندا له سبه‌ی 19ی مانگ تاكو ڕۆژی 14ی مانگی داهاتوو.
کۆمێنت (0)
تا ئێستا هیچ کۆمێنتێک نەکراوە.