ھێزەکانی ھەواڵگریی سەربازیی سەربە وەزارەتی بەرگریی عێراق لە میانی ئۆپەراسیۆنێکدا، سێ حەشارگەی داعشیان لە پارێزگای نەینەوا باکووری ئەو وڵاتە، خاپوور کرد.
شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق لە راگەیەندراوێکدا ئاماژەی بەوەداوە کە پشت بەستن بە زانیارییە ھەواڵگرییەکان، ھێزەکانی ھەواڵگریی سەربازیی ئۆپەراسیۆنێکیان بۆسەر پاشماوەکانی رێکخراوی تیرۆریستیی داعش لە چیای نوەیگیت باشووری رۆژئاوای پارێزگای نەینەوا ئەنجامداوە.
بەپێی راگەیەندراوەکە لە میانی ئۆپەراسیۆنەکەدا، سێ حەشارگەی داعش لە ناوچەکە دۆزراونەتەوە کە دواتر خاپوورکراون.
کۆمێنت (0)
تا ئێستا هیچ کۆمێنتێک نەکراوە.