پۆلیسی سلێمانی: 4 تۆمه‌تبار ده‌ستگیر کران

لە دوو چالاكی جیادا مەفرەزەكانی بەشی پۆلیسی نەهێشتنی تاوانی چەمچەماڵ چوار تۆمەتباریان دەستگیركرد كە هەستابوون بەتاوانی دزیكردن .
 له‌ راگه‌یاندراوێكدا، به‌رێوه‌به‌رایه‌تی پۆلیسی پارێزگای سلێمانی بڵاویكرده‌وه‌:
دوای ئەوەی هاوڵاتییەك سكاڵای لە نوسینگەی نەهێشتنی تاوانی چەمچەماڵ تۆماركرد كە ماركێتەكەی بڕدرابوو دەستبەجێ لێكۆڵینەوەكان دەستیپێكردوو دوای وەرگرتنی بڕیاری  دادوەر توانرا تۆمەتباران بناسرێنەوەو دەستگیربكرێن  ، لەكاتی لێكۆڵینەوەدا دانیان ناوە بەتاوانەكەیانداو هەر ئەو شەوەش پێش دەستگیركردنیان ماركێتێك و نۆرینگەیەكی پزیشكییان بڕیبوو .
پۆلیس ئاماژه‌ بۆ ئه‌وه‌شده‌كات:  لەئێستادا تۆمەتباران ، ی ،  م ،  غ لەدایكبووی 2003 
س ، ه ، م لەدایكبووی 1999 ، م ، ر،  ف لەدایكبووی  1997 ، بەبڕیاری بەڕێزدادوەر ڕاگیراون و لێكۆڵینەوە لەگەڵیان بەردەوامە .
هه‌روه‌ها پۆلیسی سلێمانی ئاماژه‌ بۆ ئه‌وه‌ش ده‌كات: لەچالاكییەكی ترداو لەسەرسكاڵای هاوڵاتییەك مەفرەزەكانی بەشی پۆلیسی نەهێشتنی تاوانی چەمچەماڵ تۆمەتبار ( أ ، أ  لەدایكبووی 1997 ) یان دەستگیركرد كە هەستابوو بەبڕینی ماڵێك . لەئێستادا تۆمەتبار بەبڕیاری دادوەر ڕاگیراوەو دانی ناوە بەتاوانەكەیدا .