تادێت تووشبووانی ڤایرۆسی (زیكا) له وڵاتی هیندستان زیاتر ده‌بێت و منداڵانیش به ڕێژه‌یه‌كی زۆر تووشی ڤایرۆسه‌كه بوونه.
ئه‌مڕۆ دووشه‌م ته‌نیا له شاری كانبووری هیندستان تووشبوونی 89 كه‌س به ڤایرۆسی زیكا بڵاو كرایه‌وه، له‌نێو تووشبووه‌كانیش 17 منداڵی بچووك و ساوا هه‌ن.
به‌رپرسانی ته‌ندروستی شاری كانبوور دان به‌وه داده‌نێن كه ڕۆژانه تادێت تووشبووانی ڤایرۆسی زیكا له‌نێو هاووڵاتییان زیاتر ده‌بێت.
ته‌ندروستی شاره‌كه‌ش تیمی گه‌ڕۆكی پشكنینی دروستكردووه بۆ زیاتر ڕێگریكردن له ته‌شه‌نه‌كردنی ڤایرۆسه‌كه.
جێی باسه ڤایرۆسی زیكا له ڕێگه‌ی پێوه‌دانی پێشكه‌وه ده‌گوازرێته‌وه و زۆربه‌ی كاتیش تووشبووان هه‌ست به نیشانه‌كان ناكه‌ن و كاریگه‌ری مه‌ترسیداریش له‌سه‌ر پێست و ئازاری ماسوولكه‌كان و ته‌نانه‌ت مێشكیش دروست ده‌كات و هه‌ندێجار ده‌بێته هۆی مردن، ئه‌گه‌ر ئافره‌تێكی دووگیانیش هه‌ڵگری ڤایرۆسه‌كه بێت كار ده‌كاته سه‌ر كۆرپه‌كه‌ی سكی و تووشی شێواندنی ڕووخسار و سه‌ری ده‌كات.
کۆمێنت (0)
تا ئێستا هیچ کۆمێنتێک نەکراوە.