ئه‌مڕۆ یه‌كشه‌م ئه‌نجوومه‌نی وزیرانی عێراق به سه‌رۆكایه‌تی مسته‌فا كازمی سه‌رۆك وه‌زیرانی عێراق كۆبوونه‌وه‌یه‌كی به‌په‌له و تایبه‌تی ئه‌نجامداوه.
نووسینگه‌ی ڕاگه‌یاندنی ئه‌نجوومه‌نی وه‌زیران له به‌یاننامه‌یه‌كدا بڵاوی كرده‌وه: مسته‌فا كازمی سه‌رۆك وه‌زیرانی عێراق كۆبوونه‌وه‌یه‌كی به‌په‌له و تایبه‌تی ئه‌نجوومه‌نی وه‌زیرانی ئه‌نجامداوه.
كۆبوونه‌وه تایبه‌ته‌كه‌ی ئه‌نجوومه‌نی وه‌زیران له كاتێكدایه كه به‌ره‌به‌یانی ئه‌مڕۆ یه‌كشه‌م به 3 درۆن هێرشكرایه سه‌ر ماڵی مسته‌فا كازمی سه‌رۆك وه‌زیرانی عێراق و هه‌وڵی تیرۆركردنی درا و به‌هۆیه‌وه چه‌ند پاسه‌وانێكی بریندار بوون.
هه‌ر دوای ڕووداوه‌كه مسته‌فا كازمی له تویتێكدا ڕایگه‌یاند "من سه‌لامه‌تم سوپاس بۆ خوا، له‌نێو گه‌له‌كه‌مم، داوا ده‌كه‌م هه‌موولایه‌ك ئارامبن و دانبه‌خۆدا بگرن له‌پێناو عێراق".
کۆمێنت (0)
تا ئێستا هیچ کۆمێنتێک نەکراوە.