له‌ لالیگادا ریاڵ مه‌درید سه‌رکه‌وتنی به‌سه‌ر رایۆڤالیکانۆ تۆمارکرد

له‌ گه‌ری سێزده‌هه‌مینی خولی یانه‌كانی ئیسپانیا یانه‌ی ریاڵ  مه‌درید به‌ دوو گۆل به‌رامبه‌ر به‌ گۆلێك سه‌ركه‌وتنی به‌سه‌ر یانه‌ی رایۆڤالیكانۆی میوانی تۆمار كرد.
 یارییه‌كه‌ له‌سه‌ر یاریگای سانتیاگۆ بێرنابیۆ به‌رێوه‌ چوو ، له‌ خوله‌كی چوارده‌ تۆنی كروس گۆلی یه‌كه‌می یاریه‌كه‌ی له‌سوودی یانه‌ی شاهانه‌ تۆمار كرد كه‌ هاوكات یه‌كه‌م گۆلی یاریزانه‌كه‌ له‌م وه‌رزه‌ی خوله‌كه‌ تۆماری بكات .
 له‌ خوله‌كی سی و هه‌شت كه‌ریم بنزیمه‌ی فه‌ره‌نسی گۆلی دووه‌می ریاڵی تۆمار كرد كه‌ گۆلی ده‌یه‌می یاریزانه‌كه‌ بۆ له‌م وه‌رزه‌ تۆماری بكات و له‌ پێشه‌نگی گۆلكارانی خوله‌كه‌ دێت . 
له‌ گێمی دووه‌م میوانه‌كان هه‌ولی گۆرینی ئه‌نیایان داو له‌ خوله‌كی حه‌فتاو شه‌ش رادمێل فالكاوی كۆلۆمبی به‌ تۆمار كردنی گۆلێك جیاوازیه‌كه‌ی بۆ گۆلێك كه‌م كرده‌وه‌و یاریش به‌م ئه‌نجامه‌ كۆتایی پێ هات و یانه‌ی ریاڵ  مه‌درید هه‌شته‌م بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو به‌ كۆكردنه‌وه‌ی بیست و حه‌وت خاڵ و به‌شێوه‌یه‌كی كاتی پله‌ی یه‌كه‌می ریزبه‌ندی یانه‌كانی وه‌رگرت ، رایۆڤالیكانۆش تووشی پێنجه‌م دۆراندن هات و به‌ بیست خال له‌ پله‌ی شه‌شه‌می ریزبه‌ندی مایه‌وه‌ .