موقته‌دا سه‌در،رێبه‌ری ره‌وتی سه‌در سه‌ركۆنه‌ی به‌ئامانج گرتنی ماڵی مسته‌فا كازمی، سه‌رۆك وه‌زیرانی عێراقی كردوو رایگه‌یاند:هێرشه‌كه هه‌وڵێگه بۆ گه‌ڕاندنه‌وه‌ی عێراق بۆ گێره‌شێوێنی و توندوتیژی.
سه‌در له‌توێتێكدا له‌په‌ڕه‌ی فه‌رمی خۆیدا ده‌ڵێت: ئه‌و كرده‌وه تیرۆریسته كه به‌رزترین لایه‌نی وڵاته‌كه‌ی كردۆته ئامانج، به‌ئامانج گرتنێكی دیارو روونه بۆ عێراق و گه‌له‌كه‌ی،كه ئامانج لێی ئاسایش و سه‌قامیگرییه‌كه‌یه‌تی.
به‌ره‌به‌یانی ئه‌مڕۆ یه‌كشه‌ممه 7-11-2021 له‌رێگای دڕۆنه‌وه هێرشكرایه سه‌ر ماڵی مسته‌فا كازمی ،سه‌رۆك وه‌زیرنی عێراق.
دوای رووداوه‌كه‌ش مسته‌فا كازمی، سه‌رۆك وه‌زیرنی عێراق گوتی: من باشم سوپاس بۆ خوا له‌ناو گه‌له‌كه‌مدام و له پێناو عێراق داوای ئارامی و دان به‌خۆداگرتن له هه‌مووان ده‌كه‌م.
کۆمێنت (0)
تا ئێستا هیچ کۆمێنتێک نەکراوە.