تیمەکانی پێدانی ڤاکسین لە شاری سلێمانی زیاد دەکرێت

ته‌ندروستی سلێمانی رایگه‌یاند: تیمەکانی پێدانی ڤاکسین لە شاردا زیاد دەکرێت.
له‌ راگه‌یاندراوێكدا، به‌رێوه‌به‌رایه‌تی گشتی ته‌ندروستی سلێمانی بڵاویكرده‌وه‌:  داوا لە هاوڵاتیان دەکه‌ین کە دەتوانن ڕۆژانە لە کاتژمێر 8 بەیانی بۆ 4 پاش نیوەڕۆ سەردانی هەریەک لەم  مەڵبەندی تەندروستی و  ئه‌م سە نتەرانە بکەن بە مەبەستی وەرگرتنی ڤاکسین:
1_  بەڕێوەبەرایەتی خۆپاراستنی تەندروستی سلیمانی 
2_  کارگەی جگەرەی کۆنی سلێمانی / ڕێکخراوی کلتوری 
3_  بنکەی پێدانی ڤاکسین لەناو زانکۆی سلێمانی 
4_ مەڵبەندی تەندروستی سەروەری 
5_ مەڵبەندی تەندروستی خەبات
6_ مەڵبەندی تەندروستی بابە گوڕگوڕ
7_ کلنکی ڕاوێژکاری علی کەمال 
8_ مەڵبەندی تەندروستی شەهیدانی کەڵەکن 
9_  مەڵبەندی تەندروستی کارێزە وشک  .
ته‌ندروستی سلێمانی راشیده‌گه‌ێنێت: جگە لەوەی لە بەیانیاندا سەرجەم ئەو مەڵبەند و بنکە  تەندروستیانەی کەپێشتر کاریان کردوە لە پێدانی ڤاکسین بەردەوام دەبێت.
هه‌روه‌ها راشیده‌گه‌یه‌نن: هاوکات لە ڕێگەی  تیم مۆبایلەوە کە بە یانیان لەبەردەم باخی گشتی دەبێت لەکاتژمێر  8:30 بەیانی تا12:30 نیوەڕوان پاشان لەکاتژمێر 1:30 تا کاتژمێر 5:00 لە بەر دەرکی سەرادا دەبێت شەوانیش لەشەقامی سالم دەبێت جگەلەوەی لەڕێگای چەند تیمێکی گەڕۆک ڕۆژانە سەردانی قەزاو ناحیەکانی سنوری پارێزگای سلێمانی دەکرێت تاکو زۆرترین  هاوڵاتی ڤاکسین دژی کۆرۆنا وەربگرێت .
له‌ كۆتاییدا ته‌ندروستی سلێمانی رایده‌گه‌ێنێت: داوکارین لەهاوڵاتیان هاوکاری تیمەکان بکەن وڤاکسین دژی کۆرۆنا وەربگرین.