له‌ لالیگادا کادێز سه‌رکه‌وتنی به‌سه‌ر بلباو تۆمارکرد

له‌ ده‌ست پێكی هه‌فته‌ی سێزده‌هه‌مینی خولی لالیگای ئیسپانی یانه‌ی كادێز له‌ ده‌ره‌وه‌ی یاریگای خۆی سه‌ركه‌وتنی به‌سه‌ر یانه‌ی ئیتله‌تیك بلباوی میوانداری تۆمار كرد.
 یارییه‌كه‌ له‌سه‌ر یاریگای سان مامێس به‌رێوه‌ چوو ، میوانه‌كان به‌ هێرش و فشار ده‌ستیان به‌یارییه‌كه‌ كردو یه‌كێك له‌ هێرشه‌كان و له‌ خوله‌كی شه‌ش یاریزانی ئیسپانی سالڤادۆر بونسی تاكه‌ گۆلی یاریه‌كه‌ی له‌ سوودی كادێز تۆمار كرد .
 دوای ئه‌م گۆله‌ش یاریزانانی بلباوو چه‌ندین هێرشیان برده‌ سه‌ر گۆلی كادێز به‌مه‌به‌ستی قه‌ره‌بوو كردنه‌وه‌ی كۆله‌كه‌ به‌ڵام تیپی میوان به‌شێوه‌یه‌كی تۆكمه‌ به‌رگریان كردو یانه‌ی كادێز دووه‌م بردنه‌وه‌ی له‌م وه‌رزه‌ی خوله‌كه‌ی به‌ده‌ست هێناو كۆی خاله‌كانیشی له‌ پله‌ی چوارده‌هه‌مینی ریزبه‌ندی بۆ دوازده‌ خال به‌رزكرده‌وه‌ و یانه‌ی ئه‌تله‌تیك بلباویش تووشی دووه‌م دۆراندن هات و خاوه‌نی هه‌ژده‌ خاله‌و له‌ پله‌ی هه‌شته‌م دێت .