وه‌زاره‌تی دارایی و ئابووری نووسراوی تایبه‌ت به وه‌رگرتنی دوو مووچه‌ی ئاراسته‌ی سه‌رجه‌م وه‌زاره‌ت و فه‌رمانگه‌كان ده‌كات .
وه‌زاره‌تی دارایی رایده‌گه‌ێنێت: هه‌ر كه‌سێك له دوای مانگی حه‌وته‌وه 2 مووچه‌ی وه‌رگرتبێت یه‌كێكیانی لێ وه‌رده‌گیرێته‌وه.
له نووسراوه‌كه‌ی وه‌زاره‌تی داراییدا كه ئاراسته‌ی وه‌زاره‌ت و فه‌رمانگه‌كانی كردووه رایده‌گه‌یه‌نن: به‌پێی مادده‌ی 14 / یه‌كه‌م له یاسای چاكسازی ژماره(2) ی ساڵی 2020، كه ناوه‌ڕۆكه‌كه‌ی جێ به‌جێ كردنی حكومه‌كانی ئه‌م یاسایه له‌سه‌ر ئه‌و كه‌سانه ده‌گرێته‌وه:
1- لێبڕینی مووچه له‌و مووچه خۆرانه‌ی كه دوو مووچه‌یان وه‌رگرتووه له پێش 1 -7-2020 راده‌گیرێت و چیتر لێ یان وه‌رناگیرێته‌وه و ته‌نها ئه‌و مووچه‌یه وه‌رده‌گرن كه خۆیان هه‌ڵیان بژاردووه .
2- هه‌ر مووچه خۆرێك له دوای 1 ى 7 ى 2020 دوو مووچه‌ی وه‌رگرتبێت، مووچه زیاده‌كه‌ی لێ وه‌رده‌گیرێته‌وه و ته‌نها یه‌ك مووچه وه‌رده‌گرێت .
داڕشتنه‌وه‌ی هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.