ئەمڕۆ دووشەممە مەسرور بارزانی سەرۆکی حکوومەتی هەرێمی کوردستان پێشوازی لە یاسین ئەلمەعمووری سەرۆکی کۆمەڵەی مانگی سووری عێراقی کرد.
سەرۆکی کۆمەڵەی مانگی سووری عێراقی کورتەیەکی دەربارەی کار و چالاکییە فریاگوزارییەکانی کۆمەڵەکە و پڕۆژە هاوبەشەکانیان لە گەڵ دەزگای خێرخوازیی بارزانی خستەڕوو، هەروەها ستایشی حکوومەتی هەرێمی کوردستانیشی کرد بۆ میوانداریکردنی سەدان هەزار ئاوارە و پەنابەر لە پێکهاتە جیاوازەکاندا.
لە دیدارەکەدا هەروەها گفتوگۆ دەربارەی بارودۆخی کەمپەکانی ئاوارە وپەنابەران و گرنگیی هاوکاریکردنیان لەلایەن حکوومەتی فیدراڵی و کۆمەڵگەی نێودەوڵەتیی و زەمینەخۆشکردن بۆ گەڕانەوەی ئارەزوومەندانەیان بۆ شوێنەکانیان کرا.
کۆمێنت (0)
تا ئێستا هیچ کۆمێنتێک نەکراوە.