حكوومه‌تی هه‌رێمی كوردستان بڕیاری له‌سه‌ر جێبه‌جێكردنی پڕۆژه‌ی چاككردنه‌وه‌ی قیرتاوكردنی ڕێگه‌ی خه‌لیفان – بالیسان له شارۆچكه‌ی شه‌قڵاوه ده‌ركرد.
له چوارچێوه‌ی كار و پڕۆژە خزمەتگوزارییە‌كانی كابینه‌ی نۆیه‌می حكوومه‌تی هه‌رێمی كوردستان و گرینگیدان به نۆژە‌نكردنه‌وه و دروستكردنی ڕێگه و بانه‌كان له ته‌واوی شار و شارۆچكه‌كانی هه‌رێم، حكوومه‌تی هه‌رێمی كوردستان ڕە‌زامه‌ندی له‌سه‌ر ته‌رخانكردن و خه‌رجكردنی گوژمه‌ی 946،650،000 دینار نیشان دا به مه‌به‌ستی جێبه‌جێكردنی پڕۆژە‌ی چاككردنه‌وه و قیرتاوكردنی ڕێگه‌ی خه‌لیفان ـ بالیسان له قه‌زای شه‌قڵاوه.
ئه‌م بڕە پاره‌یه‌ش به شێوه‌ی نه‌ختینه و قۆناغ به قۆناغ له‌سه‌ر بودجه‌ی وه‌به‌رهێنانی وه‌زاره‌تی ئاوه‌دانكردنه‌وه و نیشته‌جێكردن خه‌رج ده‌كرێت.
کۆمێنت (0)
تا ئێستا هیچ کۆمێنتێک نەکراوە.