فه‌رمانگه‌ی ته‌ندروستی پارێزگای میسان ئاشكرای كرد، له كاتژمێر 2ی دوای نیوه‌ڕۆی ئه‌مڕۆ یه‌كشه‌م 46 كه‌س به‌هۆی خواردن له چێشتخانه‌كان ژه‌هراوی بوون و گه‌یه‌نراونه‌ته نه‌خۆشخانه.
فه‌رمانگه‌ی ته‌ندروستییه‌كه هه‌روه‌ها بڵاوی كرده‌وه: سه‌رجه‌م ئه‌و كه‌سانه‌ی گه‌یه‌نراونه‌ته نه‌خۆشخانه‌ی شه‌هید سه‌دری فێركاری تووشی ئیسهالی و تێكچوون و ژه‌هراویبوونی گه‌ده بوونه‌ته‌وه.
جه‌ختیشی كرده‌وه كه هۆكاری ژه‌هراویبوونی 46 كه‌سه‌كه خواردنی خراپ و تێكچوو بووه له‌نێو چێشتخانه‌كان و ئێستاش باری ته‌ندروستی سه‌رجه‌میان جێگیره و به‌شێكیان ڕه‌وانه‌ی ماڵه‌وه كراونه‌ته‌وه.
ده‌زگای ئه‌منیی نیشتمانی به هه‌ماهه‌نگی له‌گه‌ڵ فه‌رمانگه‌ی ته‌ندروستی پارێزگای میسان هه‌ڵساوه به داخستنی ژماره‌یه‌ك چێشتخانه له ده‌رئه‌نجامی تێكچوونی باری ته‌ندروستی ئه‌و 46 هاووڵاتییه‌ی پارێزگاكه.
کۆمێنت (0)
تا ئێستا هیچ کۆمێنتێک نەکراوە.