یانه‌ی مانچسته‌ریونایتد سه‌ركه‌وتنێكی گرنگی له یاری لوتكه‌ی هه‌فته‌ی ده‌یه‌می خولی یانه‌كانی ئینگلته‌را به‌ده‌ستهێناو له ده‌ره‌وه‌ی یاریگای خۆی به سێ گۆڵی بێ به‌رامبه‌ر له یانه‌ی تۆتنهامی میوانداری برده‌وه.
یارییه‌كه له یاریگای تۆتنهام هۆتسپێر له له‌نده‌ن به‌ڕێوه‌چوو، له خوله‌كی سیی و نۆدا، كریستیانۆ ڕۆناڵدۆی پۆرتوگالی و ئه‌ستێره‌ی مان یونایتد گۆڵێكی بۆ تیپه‌كه‌ی تۆماركردو گێمی یه‌كه‌م به‌م تاكه گۆڵه به سوودی شه‌یتانه سووره‌كان ته‌واوبوو.
له گێمی دووه‌م و له به‌رده‌وامی هێرشه‌كانی مان یونایتدو له خوله‌كی شه‌ستوچواردا، ئیدینسۆن كاڤانی ئۆرگوایی گۆڵی دووه‌می تیپی میوانی به‌ده‌ستهێنا، پاشان یاریزان ماركۆس ڕاشفۆرد گۆڵی سێیه‌می مان یونایتدی له خوله‌كی هه‌شتاوشه‌ش تۆماركرد، به‌م بردنه‌وه‌ش كۆی خاڵه‌كانی مانچسته‌ریونایتد له پله‌ی پێنجه‌می ڕیزبه‌ندی یانه‌كان بۆ حه‌ڤده خاڵ به‌رزبووه‌وه‌و تۆتنهامیش دووه‌م یاری له‌سه‌ریه‌ك و پێنجه‌م یاری له‌م وه‌رزه‌ی پرێمه‌رلیگ دۆڕاندو به پازده خاڵ له پله‌ی هه‌شته‌می ڕیزبه‌ندی دێت.
کۆمێنت (0)
تا ئێستا هیچ کۆمێنتێک نەکراوە.