شه‌پۆڵێكی باران بارینی به‌لێزمه هه‌ولێری پایته‌ختی گرته‌وه.
پاش نیوه‌ڕۆی ئه‌مڕۆ شه‌ممه 30 ى 10 ى 2021 ، شه‌پۆڵێكی باران بارینی به‌لێزمه پارێزگای هه‌ولێری گرته‌وه .
باران بارین له‌ته‌واوی سنوری پارێزگای هه‌ولێر ده‌ستی پێكردووه و له پاش نیوه‌رۆش شه‌پۆڵی باران بارینه‌كه سه‌نته‌ری شاری گرته‌وه.
هه‌ر ئه‌مڕۆ بەڕێوەبەرایەتی گشتی کەشناسی و بوومەلەرزەزانیی ھەرێمی کوردستان بڵاویکردووە لە پارێزگاكانی ھەرێمی کوردستان ئاسمان ھەوری تەواو دەبێت و لەکاتەکانی نیوەڕۆشدا باران دەبارێت و ھەندێکجار ھەورەتریشقەی لەگەڵدایە.
ھاوکات کەشناسی ھەرێمی کوردستان ئەوەیشی خستووەتەڕوو کە سبەی یەکشەممە بەھەمانشێوە، لەکاتەکانی بەیانییدا بەشێوەیەکی پچڕ پچڕ باران و ھەورە تریشقە لە زۆربەی پارێزگاکانی ھەرێمی کوردستاندا ھەیە.
لە ئێستاشدا، ئاسمانی شاری ھەولێر گۆڕانکاریی کەشوھەوای بەسەردا ھاتووە و، لەھەندێک شوێن تەم و مژ بوونی ھەیە و ھاوکات بەشێوەیەکی پچڕ پچڕ باران و لە ھەندێک شوێن تەزرە دەبارێت.
کۆمێنت (0)
تا ئێستا هیچ کۆمێنتێک نەکراوە.