خێزانی کاندیدی سەربەخۆی دەرچووی ھەڵبژاردنەکان لە پارێزگای بابل ناوەڕاستی عێراق، یاسر حوسەینی ژەھرخوارد کران بەھۆیەوە کوڕێکی ناوبراو، گیانی لەدەستدا.
میدیا عێراقییەکان بڵاویان کردەوە کە خێزانی یاسر حوسەینی لە باکووری بابل ژەھرخوارد کراون و بەھۆیەوە کوڕێکی ناوبراو گیانی لەدەستداوە و ئەندامانی دیکەی خێزانەکە بەھۆی خراپی رەوشی تەندروستیانەوە، رەوانەی نەخۆشخانە کراون و لەژێر چاودێری چڕدان.
لای خۆیەوە بەڕێوەبەری راگەیاندن لە پۆلیسی بابل، عەمید عادل حوسەینی لە لێدوانێکی رۆژنامەوانییدا رایگەیاندووە کە تا ئێستا ھیچ سکاڵایەک لەلایەن یاسر حوسەینیەوە لە بنکەی پۆلیس تۆمارنەکراوە.
کاندیدی سەربەخۆ، یاسر حوسەینی لە بازنەی چواری پارێزگای بابل دوای بەدەستھێنانی نۆ ھەزار و 222 دەنگ لە ھەڵبژاردنەکانی پێشوەختەی ئەنجوومەنی نوێنەرانی عێراق، دەرچوو.
کۆمێنت (0)
تا ئێستا هیچ کۆمێنتێک نەکراوە.