نرخی نه‌وت ئه‌مڕۆ هه‌ینی به‌رزبووه‌وه‌

ئه‌مڕۆ هه‌ینی نرخی نه‌وت به‌رزبوونه‌وه‌ی به‌خۆیه‌وه‌ بینی، به‌ڵام ئه‌م هه‌واڵه‌ دڵخۆشكه‌ر نییه‌ و به‌گوێره‌ی پێشبینییه‌كان ڕه‌نگه‌ نرخه‌كه‌ی به‌ره‌و یه‌كه‌م دابه‌زین له‌ هه‌فته‌دا هه‌نگاو بنێ دوای 8 هه‌فته‌ له‌ به‌رزبوونه‌وه‌ی به‌رده‌وامی، ئه‌مه‌ش به‌هۆی به‌رزبوونه‌وه‌ی ئاستی كۆگاكانی گلدانه‌وه‌ی نه‌وتی ئه‌مه‌ریكا.

ئه‌مڕۆ هه‌ینی نرخی نه‌وتی برێنت 19 سه‌نت به‌رزبوونه‌وه‌ی به‌خۆیه‌وه‌ بینی كه‌ ده‌كاته‌ ڕێژه‌ی 0.2%، واته‌ نرخی به‌رمیلێك نه‌وتی برێنت ئێستا له‌ بازاڕه‌كانی جیهان به‌ 84.51 دۆلاره‌.

نرخی نه‌وتی تێكساسی ئه‌مه‌ریكیش دوو سه‌نت به‌رزبووه‌وه‌ و بووه‌ 82.83 دۆلار بۆ هه‌ر به‌رمیلێك.

ئاژانسی (ڕۆیته‌رز) بڵاوی كرده‌وه‌: ئه‌م به‌رزبوونه‌وه‌ی نرخی نه‌وته‌ دڵخۆشكه‌ر نییه‌ بۆ وڵاتانی به‌رهه‌مهێنه‌ر و ڕه‌نگه‌ له‌ ماوه‌یه‌كی كورتی داهاتوودا نرخه‌كه‌ی دابه‌زین به‌خۆیه‌وه‌ ببینێ، ئه‌ویش به‌هۆی به‌رزبوونه‌وه‌ی ئاستی كۆگاكانی گلدانه‌وه‌ی نه‌وتی ئه‌مه‌ریكا.

ئێستا هه‌موو چاوه‌كان له‌سه‌ر كۆبوونه‌وه‌ی وڵاتانی به‌رهه‌مهێنانی نه‌وتی ڕێكخراوی ئۆپیكن به‌ سه‌رۆكایه‌تی ڕووسیا و هاوپه‌یمانه‌كانی كه‌ بڕیاره‌ له‌ ڕۆژی 4ی مانگی داهاتوو ئه‌نجام بدرێ، پێشبینی ده‌كرێ له‌ كۆبوونه‌وه‌كه‌دا ڕه‌زامه‌ندی بدرێ له‌سه‌ر زیادكردنی 400 هه‌زار به‌رمیلی نه‌وتی ڕۆژانه‌ تا مانگی چوار (نیسان)ی ساڵی داهاتوو.