وه‌زاره‌تی سامانه سروشتییه‌كانی حكوومه‌تی هه‌رێمی كوردستان بڕیاری دا لێخۆشبوونی مۆڵه‌ت بۆ هه‌موو كۆمپانیایه‌ك بكات كه بیه‌وێ به‌نزین هاورده بكات.
وه‌زاره‌تی سامانه سروشتییه‌كانی له ڕاگه‌یه‌نراوێكدا بڵاوی كرده‌وه: له‌سه‌ر ڕاسپارده‌ی مه‌سرور بارزانی سه‌رۆكی حكوومه‌تی هه‌رێمی كوردستان و به مه‌به‌ستی چاره‌سه‌ری كێشه‌ی كه‌می سووته‌مه‌نی، بڕیاردرا له‌سه‌ر به‌خشینی مۆڵه‌ت به‌و كۆمپانیایانه‌ی كه ده‌توانن به‌نزین هاورده‌ی هه‌رێمی كوردستان بكه‌ن به‌پێی مه‌رج و ڕێنماییه‌كانی وه‌زاره‌تی سامانه سروشتییه‌كان.
وه‌زاره‌ته‌كه بڵاویشی كرده‌وه: داوا له‌و كۆمپانیایانه ده‌كه‌ین كه خوازیاری هاورده‌كردنی به‌نزینن، داواكاری خۆیان پێشكه‌ش به وه‌زاره‌تی سامانه سروشتییه‌كان بكه‌ن.
کۆمێنت (0)
تا ئێستا هیچ کۆمێنتێک نەکراوە.