لالیگا .. ریاڵ مه‌درید و ئۆساسۆنا یه‌کسانبوون

 لە هەفتەی یازدەمی خولی تۆپی پێی یانەكانی ئیسپانیا، یانەی ڕیال مەدرید میوانداری یانەی ئۆساسۆنای كرد، لەئەنجامدا هەردوو یانە بێ‌ گۆڵ یەكسان بوون.
 لە یارییەكەدا یاریزانانی ڕیال چەندین هێرشیان كردە سەر گۆڵی میوانەكەیان و هەریەك لە كەریم بێنزیماو ڤینیسیۆس جونیۆر و تۆنی كرۆس چەندین دەرفەتی ئاسانی گۆڵ تۆماركردنیان لەدەستدا.
 لەو لاشەوە یاریزانانی ئۆساسۆنا چەند جارێك بەختی خۆیان لە گۆڵی ڕیال تاقیكردەوەو هەوڵەكانی داڤید گارسیاو جۆن مۆنكایۆلا بێ‌ ئاكام بوو، ڕووبەڕوو بوونەوەكەش بە بەرامبەربوونی هەردوو تیپ بێ‌ گۆڵ كۆتایی هات.
 بەم ئەنجامەش كۆی خاڵەكانی ڕیال مەدرید لە پێشەنگی ڕیزبەندی یانەكان بۆ بیست ویەك خاڵ بەرزبووەوەو ئۆساسۆناش بە نۆزدە خاڵ لە پلەی شەشەمی ڕیزبەند دێت .