سەرۆکی لیژنەی پەروەردە و خوێندنی باڵا له پەرلەمانی کوردستان هۆکاری ڕانه‌گه‌یاندنی ئەنجامی وەرگرتنی قوتابییان لە زانکۆ و پەیمانگەکان (زانكۆلاین) ئاشكرا كرد.
عەبدولسەلام دۆلەمەری سەرۆکی لیژنەی پەروەردە و خوێندنی باڵا له پەرلەمانی کوردستان ڕایگه‌یاند: به‌گوێره‌ی به‌دواداچوونه‌كانمان لە پێنجشەممەی ڕابردووەوە ناوەندی وەرگرتن ڕێککارەکانی وه‌رگرتنی قوتابیان (زانكۆلاین) کۆتاییان هاتووە، بەڵام گرفت هه‌یه لەوانەی کە ڕاستەوخۆ مامەڵەی وەرگرتنیان پێشکەش کردووە.
هەروەها ڕایگەیاند: بۆیە ئەمڕۆ ئەنجامەکانی زانکۆلاین ڕانەگەیەندرا و دواخرا تا خوێندنەوەیەکی باشتری بۆ بکرێت، بۆ ئەوەی ھەڵەکانی ساڵی پار دووبارە نەبنەوە.
سەرۆکی لیژنەی پەروەردە و خوێندنی باڵای پەرلەمانی کوردستان داوای له قوتابیان كرد پشوو درێژبن و جه‌ختیش ده‌كاته‌وه كه لە ماوەیەکی نزیکدا ئەنجامەکان ڕادەگەیەنرێت.
کۆمێنت (0)
تا ئێستا هیچ کۆمێنتێک نەکراوە.