به‌ڕێوه‌به‌رایه‌تیی پۆلیسی پارێزگای هه‌ڵه‌بجه ده‌ستگیركردنی دوو تۆمه‌تباری له شاره‌دێی بیاره ڕاگه‌یاند كه 7 دزی جۆراوجۆریان ئه‌نجامداوه.
به‌ڕێوه‌به‌رایه‌تیی پۆلیسی پارێزگای هه‌ڵه‌بجه له به‌یاننامه‌یه‌كدا بڵاوی كرده‌وه: مه‌فره‌زه‌كانی بنكه‌ی پۆلیسی بیاره دوو تۆمه‌تباریان ده‌ستگیر كردووه كه ته‌مه‌نیان 25 و 21 ساڵه و پیشه‌یان كارمه‌ندی ژینگه‌پارێزن و دانیشتووی ناحیه‌ی بیاره‌ن.
هه‌روه‌ها بڵاوی كرده‌وه: دوو تۆمه‌تباره‌كه هه‌ڵساون به ئه‌نجامدانی 7 تاوانی دزی جۆراوجۆر كه بریتی بوون له دزینی كێبڵی كاره‌بای نیشتمانی، پاتری نه‌خۆشخانه‌ی بیاره، كێبڵی كاره‌بای فه‌رمانگه‌ی ئاوی بیاره، كێبڵی كاره‌بای یاریگای تاتانی زه‌رده‌هاڵ له‌گه‌ڵ هه‌ندێ ئامێری كاره‌بایی و ئاسن و ساحێبه و پانكه و سه‌ره مه‌نهۆڵ و هه‌ندێ شتی تر.
پۆلیسی پارێزگای هه‌ڵه‌بجه جه‌ختیشی كرده‌وه كه هه‌ردوو تۆمه‌تبار په‌ڕاوی لێكۆڵینه‌وه‌یان بۆ ڕێكخراوه و ڕاگیراون به‌پێی ماده‌ی 444 له یاسای سزادانی عێراقی.
کۆمێنت (0)
تا ئێستا هیچ کۆمێنتێک نەکراوە.