میلیشیاكانی عێراق 15 تانكه‌ری سووته‌مه‌نی راده‌ستی میلیشیاكانی ئێران له‌سوریا ده‌كه‌ن .
روانگه‌ی سووریا بۆ مافه‌كانی مرۆڤ بڵاویكردۆته‌وه، میلیشیاكانی عێراق كه وابه‌سته‌ی ئێرانن 15 تانكه‌ری سووته‌مه‌نی -یان له رێگای ناوچه‌ی رۆژئاوای فوراته‌وه ئاودیوی سووریا كردووه.
روانگه‌كه روونیكردۆته‌وه كه تانكه‌ره‌كان له ده‌روازه‌ی سكه‌ك چوونه‌ته ژووره كه له‌لایه‌ن میلیشاكانه‌وه به‌كار ده‌هێندرێت.
هه‌روه‌ها روانگه‌كه ئاماژه‌ی بۆ ئه‌مه‌ش كردووه كه تانكه‌ره‌كان له ناوچه‌ی رۆژئاوای فورات نه‌وه‌ستاون،به‌ڵكو رێگای دێر ئه‌لزور- یان له دیمه‌شق گرتۆبه‌ر.
پێشتر روانگه‌كه له 20 مانگی رابردوو رایگه‌یاندبوو كه كاروانێكی نوێ له سووته‌مه‌نی كه له‌خاكی عێراقه‌وه ره‌وانه كرابوو، گه‌یشتۆته ده‌ست میلیشیاكانی ئێران له‌سوریا.
کۆمێنت (0)
تا ئێستا هیچ کۆمێنتێک نەکراوە.