Erbil 24°C سێشەممە 24 ئایار 23:51

وه‌زیری ناوخۆ ده‌ستگیرکردنی سه‌رکرده‌یه‌کی باڵای داعش ڕاده‌گه‌یه‌نێ

کوردستان TV
100%

 

وه‌زیری ناوخۆی عێراق ئه‌مڕۆ چوارشه‌م ده‌ستگیركردنی سه‌ركرده‌یه‌كی باڵای چه‌ته‌كانی داعشی ڕاگه‌یاند كه‌ ده‌ستی هه‌بووه‌ له‌ چه‌ندان كاری تیرۆرستی و تاوان به‌رامبه‌ر هێزه‌ ئه‌منی و هاووڵاتییانی مه‌ده‌نه‌ی عێراقی.

عوسمان غانمی وه‌زیری ناوخۆی عێراق له‌ به‌یاننامه‌یه‌كدا ڕایگه‌یاند: ده‌ستخۆشی له‌ پاڵه‌وانه‌كانی ئاژانسی هه‌واڵگری و ده‌زگای لێكۆڵینه‌وه‌ی ئیتیحادی له‌ وه‌زاره‌تی ناوخۆ ده‌كه‌م كه‌ توانیان به‌ له‌خۆبوردووانه‌ چاودێرییه‌كی وردی یه‌كێك له‌ سه‌ركرده‌ باڵاكانی چه‌ته‌كانی داعش بكه‌ن و ده‌ستگیری بكه‌ن.

وه‌زیری ناوخۆ هه‌روه‌ها ڕایگه‌یاند: تاوانباره‌كه‌ ناوی (كه‌ریم عه‌بدوڵا مالح)ه‌ پۆسته‌كه‌شی له‌نێو ڕێكخراوی تیرۆریستی داعش به‌رپرسی كه‌تیبه‌یه‌.

جه‌ختیشی كرده‌وه‌ كه‌ ده‌ستگیكراوه‌كه‌ی داعش به‌رپرس بووه‌ له‌ چه‌ندان كاری تیرۆرستی و تاوانی دژ به‌ هێزه‌ چه‌كداره‌كان و هاووڵاتییانی مه‌ده‌نی.

ئه‌مه‌ له‌ كاتێكدایه‌ كه‌ دووشه‌می ڕابردوو مسته‌فا كازمی سه‌رۆك وه‌زیرانی عیراق ده‌ستگیركردنی گه‌وره‌ تیرۆرستێكی تری چه‌كدارانی داعشی ڕاگه‌یاندبوو ئه‌ویش غه‌زوان زه‌وبه‌عی بوو كه‌ به‌ (ئه‌بو عوبه‌یده‌ی به‌غدا) ناسراوه‌ و به‌رپرسیاری یه‌كه‌می ته‌قینه‌وه‌كه‌ی ناوچه‌ی كه‌ڕاده‌ی به‌غدا بوو له‌ ساڵی 2016 كه‌ ببووه‌ هۆی كوژرانی 324 هاووڵاتی عێراقی.

 

   

عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.