Erbil 42°C پێنجشەممە 07 تەمووز 16:35

به‌هۆی مه‌ترسی بوونی بۆمب.. فڕۆکه‌خانه‌ی شاری مانشسته‌ر چۆڵ کرا

کوردستان TV
100%

 

به‌رپرسانی فڕۆكه‌خانه‌ی شاری مانشسته‌ری به‌ریتانیا بڕیاری چۆڵكردنی فڕۆكه‌خانه‌كه‌یان دا، به‌هۆی مه‌ترسی ئه‌گه‌ری بوونی بۆمب و ته‌قه‌مه‌نییه‌وه‌‌.

گوته‌بێژی فڕۆكه‌خانه‌ی شاری مانشسته‌ر ئاشكرای كرد: پۆلیس ئاگاداریان كردینه‌وه‌ له‌‌ ئه‌گه‌ری مه‌ترسی هه‌بوونی بۆمب و ته‌قه‌مه‌نی له‌نێو فڕۆكه‌خانه‌.

هه‌روه‌ها ڕایگه‌یاند: كاتژمێر 3:20 سه‌رله‌ئێواره‌ی ئه‌مڕۆ سێشه‌م‌ ئاگاداركراینه‌وه‌ به‌ بوونی گومانلێكراوێك كه‌ ڕه‌نگه‌ بۆمبی پێبێ‌ و به‌هۆیه‌وه‌ سه‌رجه‌م ده‌روازه‌كانی فڕۆكه‌خانه‌كه‌مان خسته‌ ئه‌وپه‌ڕی ئاماده‌باشی و لێكۆڵینه‌وه‌.

گوته‌بێژی فڕۆكه‌خانه‌ی شاری مانشسته‌ر ڕاشیگه‌یاند: له‌ماوه‌یه‌كی كورتدا ته‌واوی فڕۆكه‌خانه‌كه‌مان له‌ گه‌شتیاران چۆڵ كرد. جه‌ختیشی كرده‌وه‌ كه‌ تا ئێستاش له‌ لێكۆڵینه‌وه‌كانیان سه‌باره‌ت به‌ تۆمه‌تباره‌كه‌ و مه‌ترسی ئه‌گه‌ری بوونی بۆمب و ته‌قه‌مه‌نی له‌نێو فڕۆكه‌خانه‌ به‌رده‌وامن.

سه‌ره‌تای ئه‌م مانگه‌ ڕووداوێكی هاوشێوه‌ له‌ فڕۆكه‌خانه‌ی هیترۆ له‌ شاری له‌نده‌نی پایه‌ته‌ختی به‌ریتانیا ڕوویدا و دوای ئاگاداركردنه‌وه‌ی مه‌ترسی ئه‌گه‌ری بوونی بۆمب و ته‌قه‌مه‌نی، فڕۆكه‌خانه‌كه‌ چۆڵ كرا.

له‌ مانگی شوباتی پارساڵیش له‌ هه‌مان فڕۆكه‌خانه‌ مه‌ترسی ته‌قینه‌وه‌ هه‌بوو دوای ئه‌وه‌ی فڕۆكه‌یه‌كی بێ فڕۆكه‌وان له‌سه‌ر فڕۆكه‌خانه‌كه‌ بینرابوو.


 

گه‌شت

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.