فه‌رمانگه‌ی میدیا و زانیاریی حكوومه‌تی هه‌رێمی كوردستان ئاشكرای كرد، زیاتر له 15 ملیار دینار بۆ چه‌ند پڕۆژه‌یه‌كی ئیداره‌ی گه‌رمیان خه‌رج ده‌كرێت
فه‌رمانگه‌كه بڵاوی كرده‌وه: له چوارچێوه‌ی بەرژەوەندی گشتی وجێبه‌جێكردنی كارنامه‌ی كابینه‌ی نۆیه‌می حكوومه‌تی هه‌رێمی كوردستان و به مه‌به‌ستی گه‌یاندنی خزمه‌تگوزاری بۆ هاووڵاتییانی كوردستان، مه‌سرور بارزانی سه‌رۆكی حكوومه‌تی هه‌رێمی كوردستان بڕیاری دا به ته‌رخانكردن و خه‌رجكردنی گوژمه‌ی 15 ملیار و 826 ملیۆن دینار بۆ جێبه‌جێكردنی چه‌ندین پڕۆژه له ئیداره‌ی گه‌رمیان.
هه‌روه‌ها بڵاوی كرده‌وه: پڕۆژه‌كان له سێكته‌ره جیاجیاكانی (ڕێگه‌وبان، ئاو، ته‌ندروستی، شاره‌وانییه‌كان، په‌روه‌رده، ئاودێری، كاره‌با و ئاوەدانکردنەوە) ده‌بێت.
جێی ئاماژه‌یه ئه‌م بڕه پاره‌یه به شێوه‌ی نه‌ختینه و قۆناغ به قۆناغ له‌سه‌ر بودجه‌ی وه‌به‌رهێنانی ئیداره‌ی گه‌رمیان خه‌رج ده‌كرێت.
کۆمێنت (0)
تا ئێستا هیچ کۆمێنتێک نەکراوە.