كۆمیسیۆنی باڵای سه‌ربه‌خۆی هه‌ڵبژاردنه‌كان جه‌ختی كرده‌وه كه پڕۆسه‌ی هه‌ڵبژاردنی گشتی له كاتژمێر 6ی ئێواره كۆتایی دێت.
جومانه ئه‌لغه‌لایی گوته‌بێژی كۆمیسیۆنی باڵای سه‌ربه‌خۆی هه‌ڵبژاردنه‌كان ڕایگه‌یاند: پڕۆسه‌ی ده‌نگدانی گشتی له‌سه‌رجه‌م پارێزگاكانی عێراق ئه‌مڕۆ یه‌كشه‌م له كاتژمێر 6ی ئێواره كۆتایی دێت و به‌هیچ شێوه‌یه‌ك درێژ ناكرێته‌وه.
گوته‌بێژی كۆمیسیۆن جه‌ختیشی كرده‌وه كه ئامێره‌كانی ده‌نگدان له سه‌رجه‌م بنكه و وێستگه‌كان له هه‌موو عێراق به‌شێوه‌ی ئه‌لیكترۆنی كار ده‌كه‌ن و له كاتژمێر 6ی ئێواره‌ی ئه‌مڕۆ به‌شێوه‌ی ئۆتۆماتیكی له‌كار ده‌كه‌ون و هیچ ده‌نگێك وه‌رناگرن.
کۆمێنت (0)
تا ئێستا هیچ کۆمێنتێک نەکراوە.