دوای نیوه‌ڕۆی ئه‌مڕۆ شه‌موو بوومه‌له‌رزه‌یه‌ك به گوڕی 5 پله‌ی ڕێخته‌ر له باشووری عێراقی داوه.
ده‌سته‌ی گشتیی كه‌شوهه‌وا و بوومه‌له‌رزه‌ی عێراق ئاشكرای كرد، بوومه‌له‌رزه‌كه دوای نیوه‌ڕۆی ئه‌مڕۆ شه‌موو له دووری 20 كم ڕۆژهه‌ڵاتی شاری عه‌ماڕه‌ی پارێزگای میسانی باشووری عێراق بووه و گوڕه‌كه‌شی 5 پله بووه به‌گوێره‌ی پله‌ی ڕێخته‌ر.
ده‌سته‌كه ئاشكراشی كرد كه بوومه‌له‌رزه‌كه نزیكی كاتژمێر 3ی دوای نیوه‌ڕۆ بووه و خه‌ڵكی شاری عه‌ماره هه‌ستیان به بوومه‌له‌رزه‌كه كردووه و تووشی ترس و دڵه‌ڕاوكێ بوون.
ده‌سته‌ی گشتیی كه‌شوهه‌وا و بوومه‌له‌رزه‌ی عێراق ئاشكراشی كرد كه سه‌رچاوه‌ی بوومه‌له‌رزه‌كه له خاكی ئێران و پارێزگای خوزستان بووه.
کۆمێنت (0)
تا ئێستا هیچ کۆمێنتێک نەکراوە.