ئه‌مڕۆ چله‌ی هونه‌رمه‌ند عه‌بدوڵڵا خه‌یات به‌رێوه‌ ده‌چێت

ئه‌مڕۆشه‌ممه‌ 9-10-2021 له‌ شاری سلێمانی له‌ هۆڵی رۆشنبیری له‌ كاتژمێر 4:30 چله‌ی هونه‌رمه‌ند عه‌بدوڵڵا خه‌یات به‌ڕێوه‌ ده‌چێت.

عه‌بدوڵڵای خه‌یات هونه‌رمه‌ندی شانۆكاری شاری سلێمانیه‌و له‌ساڵی 1964 له‌دایكبووه‌، له‌شاری هه‌ڵه‌بجه‌ خوێندنی بنه‌ڕه‌تی‌و ناوه‌ندی له‌هه‌ڵه‌بجه‌ ته‌واوكردووه‌، خوێندنی ئاماده‌یی پیشه‌یی هه‌ر له‌سلێمانی ته‌واوكردووه‌.

یه‌كه‌م كاری هونه‌ری به‌ناوی شانۆی ڕێژنه‌ بووه‌ له‌ساڵی 1979، هاوكات خاوه‌نی 30 كاری شانۆییه‌و به‌شداری چه‌ندین فیلم‌و دراماشی كردووه‌.

شایانی باسه‌ عه‌بدوڵڵا به‌ناوی گوڵی بامێ یان جه‌مال له‌یه‌كێك له‌دراما كوردیه‌كان ناوبانگی زیاتر په‌یداكرد، ئه‌و هونه‌رمه‌نده‌ به‌رده‌وام نیگه‌رانبوو له‌كه‌ناڵه‌ كوردیه‌كان كه‌ گرنگی به‌درامای بیانی ده‌ده‌ن‌و پاره‌یه‌كی زۆری تێدا خه‌رجده‌كه‌ن، ئه‌و هه‌وڵی ده‌دا به‌رهه‌می خۆماڵی هه‌بێت. له‌مدواییانه‌دا كۆمپانیایه‌كی به‌رهه‌مهێنانی كاری هونه‌ری دروستكرد.

شایانی باسه‌ هونه‌رمه‌ند عه‌بدوڵڵا حه‌مه‌ساڵح ناسراو به‌عه‌بدوڵڵای خه‌یات له‌ 4-9-2021 له‌شاری سلێمانی به‌هۆی كۆرۆناوه‌ كۆچی دوایی كرد.

ئا- كامران