له‌یارییه‌كانی كۆمه‌له‌ی حه‌وته‌می پالاوتنه‌كانی كیشوه‌ری ئه‌وروپا بۆ گه‌یشتن به مۆندیالی قه‌ته‌ر هه‌ردوو هه‌لبژارده‌ی توركیاو نه‌رویج به گۆلێك بۆ هه‌رلایه‌كیان یه‌كسان بوون.
یارییه‌كه له توركیاو له‌سه‌ر یاریگای فه‌نه‌ربه‌خشه به‌رێوه‌چوو ، له‌سه‌ره‌تای یاری و له خوله‌كی شه‌ش كه‌ریم ئه‌كتۆر ئۆغلۆ به تۆمار كردنی گۆلێك خاوه‌ن مالی له‌یاریه‌كه پێشخست ، به‌لام به‌ر له ته‌واو بوونی نیوه‌ی یه‌كه‌م به چوار خوله‌ك كریستیان نۆرستیفێت گۆلی یه‌كسان بوونه‌وه‌ی له‌سوودی نه‌رویجی میوان تۆمار كرد .
له نیوه‌ی دووه‌میش ئه‌نجامی یاری گۆرانكاری دیكه‌ی به‌خۆوه نه‌بینی و هه‌ردوو هه‌لبژارده به خالێكی یاریه‌كه رازی بوون .
به‌م ئه‌نجامه‌ش توركیا سێیه‌م یاریه له پالاوتنه‌كان یه‌كسان ده‌بێ و كۆی خاله‌كانیشی له پله‌ی سێیه‌می ریزبه‌ندی كۆمه‌له‌كه‌ی بۆ دوازده خال به‌رزكرده‌وه ، نه‌رویجیش تووشی دووه‌م یه‌كسان بوون هات و چوارده خالی هه‌یه‌و له پله‌ی دووه‌می ریزبه‌ندی كۆمه‌له‌ی حه‌وته‌م دێت .
کۆمێنت (0)
تا ئێستا هیچ کۆمێنتێک نەکراوە.