بو دووڤ چونا پرۆژێن خزمه‌تگوزارى ئه‌وێن ل سه‌نته‌رێ قه‌زا دهۆكێ وناوچه‌داریێن زاویته ومانگێشكێ وسه‌رسنكێ دهێنه ئه‌نجامدان ئه‌ڤرو سپێدێ 5/10/ 2021 د.على ته‌ته‌ر پارێزگارێ دهوكێ ب ئاماده‌بونا به‌رێزان جه‌هوه‌ر على ده‌ڤه‌ردارێ دهۆكێ ورێڤه‌به‌رێن گشتى یێن چه‌ند فه‌رمانگه‌هێن میرى ورێڤه‌به‌رێن ناوچه‌داریێن زاویته ومانگێشكێ به‌رێ بنیاتى بو ڤان پرۆژان هاته دانان.
• دانانا به‌رێ بنیاتى بو ڤه‌كرن وكونكریتكرنا چه‌ند جاده وكولانا ل تاخێ مالتا ئیسلام وچه‌ند جهێن دى ل كه‌رتێ باژێرڤانیا رۆژئاڤا ل سه‌نته‌رێ باژێرێ دهۆكێ بكوژمێ ملیاره‌ك و (562) ملیون دینارا.
• دانانا به‌رێ بنیاتى بو كوڵانا بیرێن ئاڤێ وراكێشانا تورێن ئاڤێ بو گه‌ره‌كێن پێدڤى ل تاخێن(ئێتیتێ ونزاركێ ووگوندێن زیناڤا ومانگێشكێ وكومه‌لگه‌ها كورا ل ناوچه‌داریا زاویته) بكوژمێ (723) ملیون دینارا. • دانانا به‌رێ بنیاتى بو چێكرن وكونكریتكرنا چه‌ند جاده‌كا ل سنورێ باژێرڤانیا رۆژهه‌لات ل سه‌نته‌رێ باژێرێ دهۆكێ بكوژمێ ملیاره‌ك و(549) ملیون دینارا. • دانانا به‌رێ بنیاتى بو چێكرن وقێركرن وكونكریتكرنا چه‌ند جاده‌كێن نافخویى ل سه‌نته‌رێ زاویته وكومه‌لگه‌ها كورا بكوژمێ (301) ملیون دینارا.
• دانانا به‌رێ بنیاتى بو سه‌خبێركرن وچێكرنا رێكێن گوندێن( كه‌مه‌كا وكوڤلى وكورێمێ وئوزمانا وسه‌رئاڤكێ ل ناوچه‌داریا مانگێشكێ )بكوژمێ (209) ملیون دینارا. • دانانا به‌رێ بنیاتى بو سه‌خبێركرنا رێكێن گوندێن ( بێشینكێ و بابوخكێ ودێراگژنیكێ وبێسفكێ) بكوژمێ (478) ملیون دینارا.
• دانانا به‌رێ بنیاتى بو چێكرنا رێكێن گوندێن (بانه‌سورا و شارویكێ وبروحه‌جه‌را وناڤدارا وئه‌لندكێ وچرانێ وگه‌لناسكێ ل ناوچه‌داریا مانگێشكێ) بكوژمێ (777) ملیون دینارا.
• دانانا به‌رێ بنیاتى بو چێكرن وكونكریتكرنا جادێن نافخویى ل سه‌نته‌رێ مانگێشكێ وكومه‌لگه‌ها باگێرا بكوژمێ (398) ملیون دینارا.
پاش پارێزگارێ دهۆكێ ویێن دگه‌لدا سه‌را ناوچه‌ده‌ریا مانگێشكێ دا ژلایێ رێڤه‌به‌رێ ناوچه‌داریێ وفه‌رمانبه‌رێن وێ پێشوازى لێ هاته كرن. درونشتنه‌كێدا به‌حسێ ره‌وشا ده‌ڤه‌رێ وپێدڤیێن خه‌لكێ ناوچه‌داریێ ب پرۆژێن خزمه‌تگوزارى ب گشتى هاته كرن. پارێزگارێ دهۆكێ ته‌كه‌زكر كو به‌رده‌وام پرۆژێن خزمه‌تگوزارى یێن فه‌ر ب یه‌كسانى ل سه‌ر هه‌موو ده‌ڤه‌رداریا دێ هێنه ئه‌نجامدان وخواست كو هه‌موو كار وخزمه‌ت ل دووڤ رێنما ویاسایێن حكومه‌تا هه‌رێمێ بهێنه گه‌هاندن وژینگه‌ه وداراستانا ده‌ڤه‌رێ باش بهێته پاراستن.
دكونگره‌كێ رۆژنامه‌ڤانیدا پارێزگارێ دهۆكێ گوت: ئه‌ڤرو ودچارچوڤێ بودجا په‌رپێدانا پارێزگه‌هێ دا مه به‌رێ بنیاتى بو ژماره‌كا پرۆژان دانا هنده‌ك پرۆژه ب دوماهی هاتینه وهنده‌ك ژى ل ژێر قوناغێن بجهئینانێ نه وكار ل سه‌ر دهێته كرن وئه‌و پرۆژێن كار ل سه‌ر دهێته كرن ویێن دن كو لسنورێ ده‌ڤه‌رداریا دهۆكێ دهێنه ئه‌نجامدان بهایێ وان پتره ژ(95) ملیار دینارا وهه‌موو سێكته‌ران بخوڤه دگرن وه‌كو (رێك وئاڤ وكاره‌ب وپرۆژێن ته‌ندورستى وقوتابخانه وبه‌رگرى شارستانى و...هتد).
هه‌روه‌سا ل قوناغێن بهێت ژى به‌رده‌وام پرۆژێن خزمه‌تگوزارى دێ هێنه ئه‌نجامدان. سه‌باره‌ت قه‌ره‌بوكرنا وان هاولاتیان یێن دئاڤاهیێن میرى ڤه ماین پارێزگارێ دهۆكێ گوت: سه‌روكێ حكومه‌تا هه‌رێما كوردستانێ به‌رێز مسرور بارزانى یێ رژد وهاریكاره كو ئاریشێن ژڤى جورى بهێنه چاره‌سه‌ركرن ورێكه‌كا چاره‌سه‌ریێ بو بهێته دیتن.
• هه‌ر دچارچوڤێ ڤێ سه‌ره‌دانێ دا پارێزگارێ دهۆكێ سه‌را ناوچه‌داریا سه‌رسنكێ دا ژلایێ وارشین سلمان ده‌ڤه‌ردارێ ئامێدیێ ورێڤه‌به‌رێن فه‌رمانگه‌هێن ناوچه‌داریا سه‌رسنكێ پێشوازى لێ هاته كرن. پاش درێ ورسمه‌كیدا پرۆژێ رێكخستنا جادا ده‌رگه‌هێ باژێرێ سه‌رسنكێ ب درێژاهیا 700مترا وچێكرنا (4)كم رێكێن نافخویى ل سه‌رسنكێ وده‌وروبه‌ران هاته ڤه‌كرن.
كوژمێ چێكرنا پرۆژه‌ى ملیاره‌ك و(619 )ملیون دیناربوون ژلایێ كومپانیا دارهنار هاتیه ئه‌نجامدان. پاش ل كومه‌لگه‌ها قه‌دشێ پرۆژێ چێكرنا رێكێن نافخویى ولتاخێ ئازادى ل سه‌رسنكێ هاته ڤه‌كرن تێچویێ پرۆژه‌ى (468) ملیون دیناربوون ژلایێ كومپانیا ئیسفكا هاتیه ئه‌نجامدان.
ل دوماهیێ به‌رێ بنیاتى بو سه‌خبێركرنا رێكێن گوندێن (به‌رێ بهار وساركێ ولومانا وخورپنیێ وورومتا ودوریانا خرابیا ل ناوچه‌داریا زاویته بكوژمێ (398) ملیون دینارا هاته دانان.
کۆمێنت (0)
تا ئێستا هیچ کۆمێنتێک نەکراوە.