کارمەندێکی پۆلیسی لقی 12 ى هەڵەبجەی پارتی دیموکراتی کوردستان کوژرا

گوتەبێژی پۆلیسی پارێزگای هەڵەبجە رایگه‌یاند: تەرمی هاوڵاتییەکی تەمەن 47 ساڵ کە پیشەی پۆلیس بووە له‌ باره‌گای لقی 12 ى هه‌ڵه‌بجه‌ی پارتی دیموكراتی كوردستان، لەنزیک بینای بەڕێوەبەرایەتی هاتوچۆی هەڵەبجە دۆزرایەوە و لەئێستادا پۆلیس لێکۆڵینەوەکانی لەڕووداوەکە دەستپێکردوە.
عوسمان محەمەد، گوتەبێژی بەڕێوەبەرایەتی پۆلیسی پارێزگای هەڵەبجە لە راگەیاندراوێكدا بڵاویكرده‌وه‌، کاتژمێر  8:00ـی بەیانی ئەمڕۆ سێشەممە، تەرمی تاوانلێکراو  (ف ،ا ،ح ) تەمەن 47 ساڵ ، پیشەی پۆلیسه‌  لە  لقی 12   پارتی دیموکراتی کوردستان، لەناحیەی سیروان  نزیک بینای بەڕێوەبەرایەتی هاتوچۆی هەڵەبجە دۆزرایەوە بەکوژراوی.
 راشیده‌گه‌ێنێت:  تەرمی کوژراوەکە گواستراوەتەوە بۆ  پزیشیکی  دادی  هەڵەبجە،  لێکۆڵینەوە  لەڕووداوەکە  لەلایەن  تیمی بەڵگەو تاوان و بنکەی پۆلیسی  سیروان  دەستیپێکردوە.