کۆمان: له‌ بارودۆخێکی سه‌خت و ئاڵۆز بوومه‌ ڕاهێنه‌ری بارسێلۆنا

 سه‌باره‌ت به‌ یاری نێوان هه‌ردوو یانه‌ی ئه‌تله‌تیكۆ مه‌دریدو بارسێلۆنا له‌ گه‌ڕی هه‌شته‌می لالیگا، ڕۆناڵد كۆمانی هۆڵه‌ندی و ڕاهێنه‌ری یانه‌ی بارسێلۆنا ڕایگه‌یاند كه‌ سه‌ره‌ڕای ئه‌نجامه‌ خراپه‌كانی ئه‌م دواییه‌ی تیپه‌كه‌ی، به‌ڵام تا ئێستا هیچ كه‌سێك له‌ كارگێڕی بارسا باسی دوورخستنه‌وه‌ی ڕاهێنه‌ری له‌ پۆسته‌كه‌ی نه‌كردووه.
 كۆمان گوتیشی، له‌ بارودۆخێكی سه‌خت و ئاڵۆز بوومه‌ ڕاهێنه‌ری بارسێلۆنا، ئێستاش ئه‌گه‌ر ڕاهێنه‌رێكی دیكه‌ بێته‌ شوێنی من ئه‌وا پێم وانیه‌ شتێكی زیاتری بۆ تیپه‌كه‌ پێبكرێت.
 ڕاهێنه‌ری بلاوگڕانا ئاشكراشی كرد كه‌ قه‌یرانی دارایی و ڕۆیشتنی له‌ناكاوی مێسی گۆڕانكاری به‌سه‌ر پلانی ئاماده‌كاریه‌كانی تیپه‌كه‌یان هێنا، به‌ڵام به‌ چاك بوونه‌وه‌ی ئه‌و یاریزانانه‌ی پێكانیان هه‌بوو بارودۆخی یانه‌كه‌ باشتر ده‌بێت و یاریزانانی لاویش ده‌بێت ده‌رفه‌تی زیاتریان پێبدرێت تا تواناكانی خۆیان له‌سه‌ر گۆڕه‌پانی یاریگا بسه‌لمێنن.
كاتژمێر 10 ى ئه‌مشه‌و له‌گه‌ڕی هه‌شته‌می لالیگادا هه‌ردوو یانه‌ی بارسێلۆنا و ئه‌تله‌تیكۆ مه‌درید رووبه‌رووی یه‌كده‌بنه‌وه‌.