نوونەرێ پارێزگارێ دهۆکێ پێشوازیا شاندەکێ ژوورا بازرگانی و پیشەسازیا ئامەدێ کر

ئەڤرو سپێدێ ل رێکەفتی ٢٠٢١/٩/٢٨ روژا سێشەمبی  " شمعون شلیمون ایشو"  نونەرێ بەرێز "د.عەلی تەتەر" پارێزگارێ دهوکێ پێشوازیا " محمد کایە" سەروکێ ژورا بازرگانی و پیشەسازیا ئامادێ و شاندێ دگەلداکر
د رونشتنەکێدا ب ئامادەبونا سەروکێ ژورا بازرگانی و پیشەسازیا دهوك نونەرێ پارێزگاری بخێرهاتنا شاندێ ناڤبری کر و باس ل پەیوەندیێن بازرگانی یێن دناڤبەرا وەلاتێ تورکیا و هەرێما کوردستانێ و ب تایبەتی پارێزگەها دهوکێ و ئامەدێ کر و گوت ب خوشحالیڤە  پروسا بازرگانی یا بەردەوامە و ئەم دخوازین تورکیا زێدەتر رێخوشکەربیت بو وێ یەکێ  بازرگان و بەرهەمهێنەرێن پارێزگەها دهوکێ بشێن ب رێیا دەروزاێ سەر سنوری و ئامەدێ کەلوپەلێن خو رەوانەی وەلاتێن دن ژی بکەن  
و ژورا بازرگانیا پارێزگەهێ بەردەوام هەولێن باش ئەنجامداینە و رێخوشکەربویە بو پروسا بازرگانی 
ژلایێ خوڤە سەروکێ ژورا بازرگانی و پیشەسازیا ئامەدێ سوپاسیا پێشوازیێ کر و گوت جهێ خوشحالیێ یە ژ سالا ٢٠٠٧ێ تا نها پەیوەندیێن ژورێن بازرگانی یێن پارێزگەهێن ئامەدێ و هەولێرێ و دهوکێ و سلێمانیێ زور د خورتن و پارێزگەها دهوکێ گرنگیەکا تایبەت یاهەی بو ژورا بازرگانیا ئامەدێ و سەرەرای وان کێشەیێن پەیدا دبن حکومەتا تورکیا و عیراقێ و هەرێما کوردستانێ بەردەوام خوازیارن پروسا بازرگانی بەرەڤ پێشڤە بچیت و ئاماژەدا ئەزمونا بازرگانی یا هەرێما کوردستانێ و تورکیا و دا دیارکرن ژی  کو ئەو دێ کارکەن بەرهەمێن پارێزگەها دهوکێ ب رێیا تورکیا بگەهنە دەرڤەی وەلاتێ وان ب تایبەت بەرهەمێن خومالی و سوپاسیا ژورا بازرگانیا پارێزگەها دهوکێ کر کو هەردەم رێخوشکەر بویە بو پروسا بازرگانی و گوت ژی ژورێن بازرگانی یێن وەلاتێ تورکیا سیستەمەکێ باش بو ئاسانکاریا کارێ بازرگانان ل دەروازەیان دانایەو  دخوازین ب رێیا پارێزگەها دهوکێ و حکومەتا هەرێما کوردستانێ و حکومەتا عیراقێ هەمان سیتەم ل دەروازێ سەرسنوری یێ ابراهیم خەلیل دابنین کو ئێك ژ سیستەمێن هەرە باشە و دوڤدا هەردو لایان ب تێرو تەسەلی باس  پروسا بازرگانی کر
ل داوی ژی  سەروکێ ژورا بازرگانی و پیشەسازیا ئامادێ تابلویێ کەلها دێرینا ئامەدێ پێشکێشی نونەرێ پارێزگاری کر.